web counter
LEXO PA REKLAMA!

SHKARKO APP

App Store
Google Play

Protesta për mbylljen e klubeve të natës/ Procedohen penalisht 12 organizatorët

21 Korrik 2020, 08:06, Kronika CNA

Policia e Tiranës ka proceduar 12 persona pas protestës së djeshme të artistëve para Kryeministrisë.

Ata akuzohen për veprat penale ?Organizim dhe pjesëmarrje në tubime të paligjshme? dhe ?Pengimi i qarkullimit të mjeteve të transportit?.

Revolta e muzikantëve, këngëtarëve por edhe punonjësve të klubeve erdhi pas vendimit të qeverisë për mbylljen e muzikës në çdo ambient pas orës 20:00 si masë për parandalimin e pandemisë.

?Organizuan grumbullim dhe manifestim të paligjshëm, procedohen penalisht 12 shtetas, persona të identifikuar si organizatorë, për veprat penale ?Organizim dhe pjesëmarrje në tubime të paligjshme? dhe “Pengimi i qarkullimit të mjeteve të transportit”.

Gjatë zhvillimit të tubimit, Policia para se të ndërhynte për të shpërndarë tubimin, u ka bërë thirrje protestuesve që të shpërndaheshin, pasi nuk kishin marrë leje për zhvillimin e tij.

Më pas, Policia shpërndau protestuesit, duke bërë disa shoqërime dhe ka filluar procedimin penal për 12 persona, si organizatorë të tubimit tek bulevardi ?Dëshmorët e Kombit?, pasi kanë organizuar dhe protestuar në mënyrë të paligjshme, pa lejen e organeve kompetente.

Materialet do t?i kalojnë Prokurorisë së Rrethit Gjyqësor Tiranë, në ngarkim të 12 personave të identifikuar si organizatorë, për veprat penale ?Organizim dhe pjesëmarrje në tubime të paligjshme? dhe “Pengimi i qarkullimit të mjeteve të transportit”.

Policia e Tiranës apelon për qytetarët që të respektojnë distancimin social dhe të përdorin mjetet mbrojtëse në vendet publike, me qëllim parandalimin e përhapjes së COVID-19, ndërsa problematikën apo shqetësimin që kanë ta adresojnë pranë institucioneve dhe organeve kompetente?, thuhet në njoftimin e plotë./CAN.al

 





Lajmet e fundit nga