web counter
LEXO PA REKLAMA!

SHKARKO APP

App Store
Google Play

Atentat në Elbasan/ Ekzekutohet me 5 plumba i riu, arratisen autorët

20 Korrik 2020, 14:57, Kronika CNA

Një ngjarje e rëndë ka ndodhur këtë pasdite në  Elbasan në lagjen 28 Nëntori, ku raportohet për të shtëna me armë zjarri, prej të cilave ka mbetur i vdekur një person.

Të shtënat janë dëgjuar rreth orës 16:30 në lagjen ?28 nëntori? pranë një pike karburanti.

Policia e Elbasanit ka shkuar në vendngjarje pas lajmërimit dhe po punon për zbardhjen. Sipas identifikimit paraprak mësohet se viktima është 39-vjeçari me emrin Emiljano Ramazani, individ me precedent të mëhershëm penalë. CNA.al mëson se Ramazani është qëlluar me 5 plumba.

Bëhet me dije se autorët e vrasjes kanë djegur makinën e tyre pranë fshatit Vidhas dhe kanë ikur në drejtim të Bradasheshit në dalje të Elbasanit.

“Në Elbasan, në vendin e quajtur “Rrethrrotullimi i luleve” në rrethana ende të paqarta është vrarë me armë zjarri shtetasi E.R, rreth 39 vjeç. Autorët dyshohet se janë larguar me shpejtësi në drejtim të aksit rrugor Bradashesh-Paper. Në një ullishte i kanë vënë zjarrin mjetit dhe janë larguar në kodrat përballë Paprit.

Shërbimet e Policsë janë vënë në ndjeke të autorëve dhe po bëhet rrethimi i zonës ku dyshohet se mund të jenë larguar autorët. Janë ngritur menjëherë pika kontrolli në aksin rrugor Elbasan-Rrogozhinë, Elbasan-Tiranë e Elbasan-Belsh. Çdo person qe mund t’i ndihmoje hetimit dhe zbardhjes se shpejte te ngjarjes mund te telefonoje falas 112″, thuhet në raportin paraprak të Policisë.

 





Lajmet e fundit nga