web counter
LEXO PA REKLAMA!

SHKARKO APP

App Store
Google Play

E fundit!

x

Nga Bledi Mane/ Alfred Çako, paradite rrjep shtetin, pasdite tremb miletin

16 Korrik 2020, 10:03, Politikë CNA

* Konspiracionisti më i ri dhe më agresiv shqiptar Alfred Çako, njeriu që u bombardon çdo ditë me informacione të cilat shfrenojnë edhe imagjinatën më të pafajshme të fëmijëve të jetimores “Zyber Hallulli”, paska një axhendë ditore tepër të ngarkuar.

E fillon rutinën në orën 8 të mëngjesit duke hyrë në zyrë dhe e mbyll në 12 të natës kur del nga studiot televizive.

Njeriu që kërkon të sfidojë shkencën e mjekësisë, njeriu që u bën thirrje qytetarëve të mos besojnë në pandemi e nëse kanë simptoma të hanë hudhra, të mos paraqiten në spitale e farmaci, njeriu që thellon dhe abuzon më tepër me hendekun arsimor e kulturor të turmës, Alfred Çako, na qenka zyrtar publik.

Zotëria në fjalë prej 3 vitesh punon si kryeauditues në Kontrollin e Lartë të Shtetit dhe paguhet 1 milionë e 340 mijë lekë çdo muaj nga taksat e qytetarëve. Merr lekë nga shteti për të vetmen punë që di të bëjë. Merr lekë nga shteti për të trembur çdo natë qytetarët e këtij shteti të trembur!/ CNA.al





Lajmet e fundit nga