web counter
LEXO PA REKLAMA!

SHKARKO APP

App Store
Google Play

 “Hapja e listave zeron marrëveshjen”/ Meta: Pse propozimi i opozitës është i pavlefshëm

16 Korrik 2020, 11:31, Politikë CNA

Presidenti Ilir Meta u shpreh sot se lëvizja e shumicës për hapjen e listave zeron marrëshjen e 5 qershorit.

Gjatë komunikimit të tij të përjavshëm për mediat, Meta tha se “Përmbyllja e reformës zgjedhore do të konsiderohej si kushti i parë i plotësuar. Iniciativa e shumicës për të ndryshuar kushtetutën e prish marrëveshjen e 5 qershorit dhe e zeron këtë arritje të Shqipërisë dhe dëmton edhe kredibilitetin e ministrit të jashtëm edhe si kryetar i OSBE-së (Edi Rama). Propozimi për ndryshimet kushtetuese zeron përpjekjet. Palët t’i qëndrojnë marrëveshjes, kur për këtë janë investuar edhe SHBA, Britania dhe BE-ja. Këto ndryshime të njëanshme janë në kundërshtim me komisionin e Venecias. Ndryshime të sistemit duhet të nisin një vit para zgjedhjeve. Këtë qëndrim e ka mbajtur edhe zyra e OSBE-së që ka thënë se është shumë vonë” tha ai.

Gjithashtu Meta tha se propozimi i opozitës parlamentare për ndryshimet kushtetuese është i pavlefshëm.

?Propozimet për ndryshimet kushtetuese janë paraqitur në datën 15 qershor 2020, në kohën kur Shqipëria ishte në gjendje të jashtëzakonshme, në këto kushte ndërmarrja e kësaj nisme ka lindur dhe është zhvilluar brenda periudhës së masave të jashtëzakonshme. Kjo do të thotë se edhe nga ana proceduriale është e pavlefshme?-u shpreh Meta./ CNA.al





Lajmet e fundit nga