Connect with Us

Ekskluzive/ Zbulohen 24 emrat që Basha do rikandidojë nga ish-deputetët e 2017

Politikë

Ekskluzive/ Zbulohen 24 emrat që Basha do rikandidojë nga ish-deputetët e 2017

Publikuar

-

https://www.cna.al/2020/07/05/video-basha-ngel-serish-ne-klase-ben-gafen-e-radhes-ne-korce/

Kryetari i Republikës së Re, Lulzim Basha, duket se i  ka dhënë një dorë të fundit listave të kandidatëve për deputetë.

Ai ka hapur një garë formale, ku baza propozon emrat dhe kandidatët mbushin formularë, por nga ana tjetër lista është thuajse e konfiguruar me emrat që kanë qënë pjesë e listës së 2017 dhe emrat e rinj që CNA.al i raportoi disa ditë më parë.(Lexo këtu)

Këto lista mund të pësojnë edhe ndryshime rrugës, pasi Lulzim Basha shpesh ndryshon shumë gjëra në moment të fundit, jo vetëm për interesat politike, por edhe financiare të tij dhe familjes. Në vitin 2017 ai u akuzua se i shiti mandatet e deputetëve.

Lista e Bashës po bëhet thuajse gati, jo vetëm me emrat e deleguar në bazë, por edhe me personazhet që kanë mbajtur peshën politike në këto vite, ku Luli ka ngritur ekipin e tij që në fakt mirë apo keq sot zotëron mbështeje në bazë dhe propozohen kudo, me apo pa porosi.

Janë të paktën 24 emra që rikandidohen nga ish grupi parlamentar, por këtu nuk përfshihen aleatët. Në vitin 2017 Luli mundi të siguronte vetëm 42 mandate së bashku me partitë e vogla.

Më poshtë po sjellim një listë me 24 emra, që Basha pritet t’i rikandidojë, por edhe duke i  qarkulluar.

Në total me këta 24 emra, me 21 emrat e rinj, dhe disa aleatë brenda listës, Lulzim Basha ka konfiguruar afërsisht 50 emra që janë mbi 35% e listës dhe pjesa e sigurtë dhe fituese e tyre.

Surprizat pritet të jenë të vogla, me disa emra që Basha edhe pse do jenë më pak se gishtat e njërës dorë do kërkojë ti shesë si prurje të reja.

CNA.al raportoi pak ditë më parë një listë më 21 emra por ata nuk janë prurje të reja pasi secili prej tyre me ardhjen e Bashës si kryetar i PD dhe me ndërtimin e Republikës së Re, herë shfaqen dhe herë zhduken sipas oreksit të kryetarit.

LEXO EDHE:  “Jetojmë si në mesjetë”/ Tabaku takim me banorët në Zall Herr: Qeveria vetëm gënjen dhe rrit taksat

Lista e mëposhtme sjell emrat që qëndrojnë në kandidim nga ata që ishin pjesë e grupit parlamentar dhe listave të vitit 2017.

Në qarkun e Beratit pritet që pjesë e listës të jetë sërish Astrit Veliaj, i cili mund të ketë përpara një emër tjetër si prurje e re.

Në Dibër emri që rikonfimohet është Dhurata Çupi, ndërsa Xhemal Gjunkshi është në pikpyetje.

Durrësi ka disa lëvizje, në listë ngelet Oerd Bylykbashi, por lëvizin Florjon Mima dhe Edi Paloka. Mima në Tiranë dhe Paloka drejt Shkodrës. Këtij qarku i shtohet Gent Strazimiri.

Në Elbasan, pritet largimi i Edmond Spahos me mundësi në Tiranë ose Korçë.

Luçiano Boçi dhe Endri Hasa, Taulant Zeneli apo Fitim Zekthi janë emrat që Basha i rikandidon në këtë qark nga lista e 2017.

Fieri pritet të ketë sërish Enkelejd Alibeaj dhe Luan Baçi, një lëvizje e Pollos drejt Korçës apo Gjirokastrës, ndryshon konfigurimin e këtij qarku.

Do hapet-s'do hapet / Si po flet me vete Republika e Re

Në Korçë, Ervin Salianji (në varësi të vendimit të gjykatës), por edhe Andrea Mano pritet të rikandidohen. Mund të shtohen Edmond Spaho ose Genc Pollo si pjesë e këtij qarku.

Në Kukës largohet Flamur Noka, por ngelet Isuf Cela.

Lezha nga lista e mëparshme ka Lindita Metaliaj.

Në Shkodër pritet të shkojë kryesues Edi Paloka, i cili braktis Durrësin. Lista pasohet nga Izmira Ulqinaku dhe Bardh Spahia.

Në Tiranë lista duket mjaft e ngjeshur dhe janë shumë emra që do përqëndrohen në këtë qark, përfshi këtu edhe të rinjtë. Nga Lulzim Basha tek Sali Berisha, Grida Duma, Jorida Tabaku, Aldo Bumci, Oriola Pampuri, Flamur Noka, Florion Mima apo Albana Vokshi janë disa nga emrat e rikonfirmuar.

Vlora ka emrin e Agron Shehajt të konfirmuar./ CNA.al

Ekskluzive/ Zbulohen 21 emrat e rinj të listës Basha

Ekskluzive/ Formularët tallje, zbulohen kandidatët e Luli Bashës në shumicën e qarqeve

Fakti-Basha tallet me kandidatët për deputetë/ Listat do i plotësojë vetë

Zbardhet udhëzimi i ri i PD për kandidatët për deputetë/ “Zhvishuni” nga detyra si kryetarë dege që të hyni në lista

Për të rejat më të fundit behuni pjesë e grupit tonë në facebook : City News Albania

Komentoni

Your email address will not be published. Required fields are marked *

Politikë

Hapja e kufinjve/ Rama për median franceze: Bëmë punë serioze

Publikuar

-

Nga

Hapja e kufinjve/ Rama për median franceze: Bëmë punë serioze

Kryeministri Edi Rama ka folur për hapjen e kufinjve me Shqipërinë pas shumë muajsh që nuk lejohej lëvizja e lirë në vendet e BE-së.

Në një intervistë për “France 24” me gazetaren Caroline de Camaret, Rama tha se Shqipëria ka bërë një punë mjaft serioze me masat dhe vaksinimin, ndaj theksoi se mundi është shpërblyer.

“Po qytetarët tonë parashikojnë që të udhëtojnë shumë. Për më tepër, siç e thatë mirë, një pjesë e madhe e popullsisë tonë jetojnë përtej kufijëve të Shqipërisë dhe për ne ky ka qenë një lajm shumë i rëndësishëm sepse kemi bërë një punë mjaft serioze për të luftuar pandeminë dhe me rezultatet që janë vlerësuar nga të gjithë.

Shqipëria ka qenë në krye të vendeve europiane, si për përqindjen e vaksinimit dhe për shifrat e infektimit dhe vdekjeve.

Kur flas për vaksinimin masiv dhe për ritmin e vaksinimit, kam parasysh statistikat e BE, sipas të cilave Shqipëria ka qenë prej muajsh në vendet e para; Shqipëria ka qenë deri dje në shifrat e 850.000 dhe në një vend me numrin aktual të banorëve kjo është shumë”, u shpreh kreu i qeverisë./ CNA.al

LEXO TE PLOTE

Politikë

Dënimi i Llallës/ Rama: Sinjal i mirë, presim të marrim dritën jeshile nga Brukseli

Publikuar

-

Nga

Dënimi i Llallës/ Rama: Sinjal i mirë, presim të marrim dritën jeshile nga Brukseli

Shqipëria shpreson për hapjen zyrtare të negociatave të pranimit të vendit në Bashkimin Evropian në fund të qershorit.

Kryeministri Edi Rama në një intervistë për një nga televizionet më të mëdha në Francë, “France 24” edhe pse mendon se Shqipëria duhet të marrë dritën jeshile nga Brukseli, shtoi se asgjë nuk e surprizon.

Duhet thënë se në samitin para pandemisë, u vendos që të hapeshin bisedimet, më tej kjo u zgjat sepse duhej të merrej një vendim për të thirrur Konferencën e Parë Ndërqeveritare. Për fat të keq tashmë, unë u mësova të mos habitem më me atë që mund të ndodhë në Bruksel, sepse është një çështje e dinamikës së brendshme, një histori konsensusi që ndonjëherë është i vështirë, normalisht duhet ta marrim dritën jeshile duke mbajtur parasysh se ka një problem tjetër mes Bullgarisë dhe Maqedonisë së Veriut, sepse ne dhe Maqedonia e Veriut e presim së bashku këtë vendim dhe do të shohim nëse ky problem do të zgjidhet përpara samitit“, u shpreh Rama.

Kryeministri ka deklaruar se Shqipëria është përfshirë në një “betejë” për të reformuar sistemin e saj gjyqësor përballë korrupsionit, sipas tij kjo një shenjë e ardhjes së një “demokracie funksionale”.

Kryeministri ka vënë theksin tek reforma në drejtësi, si një nga çështjet më të rëndësishme tani për rrugën europiane të Shqipërisë, ndërsa i pyetur për dënimin e ish-kryeprokurorit Adriatik Llalla, e ka quajtur një sinjal të mirë për shtetin e së drejtës.

LEXO EDHE:  Sondazhi për zgjedhjet e 2021/ Si do të renditen partitë politike, kush kryeson garën

LEXO EDHE:  “Jetojmë si në mesjetë”/ Tabaku takim me banorët në Zall Herr: Qeveria vetëm gënjen dhe rrit taksat

Nëse Shqipëria nuk do të kishte probleme si në nivelin e qeverisjes apo edhe të pushtetit gjyqësor, atëherë Shqipëria do të ishte anëtare e BE-së sot. Ka një arsye pse ne jemi të ndershëm në këtë betejë për të reformuar sistemin e drejtësisë, dhe unë besoj se është krejtësisht e kundërta.

Për herë të parë gjatë këtyre viteve të fundit, pandëshkueshmëria ia ka lenë vendin shtetit të së drejtës dhe nëse ka një prokuror të përgjithshëm apo ish-personalitete si në sistemin gjyqësor edhe në sistemin politik në përgjithësi që dënohen, atëherë kjo është një shenjë shumë e mirë që tregon lindjen e diçkaje që është shumë e rëndësishme, shteti i së drejtës. Pikërisht për këtë ne duam të vazhdojmë procesin e bisedimeve sepse kjo na mundëson të ndërtojmë një shtet të së drejtës, një demokraci funksionale, dhe nëse nuk do të kishim këto në këtë rrugëtim, sigurisht Këshilli Europian nuk do të kishte marrë asnjëherë në konsideratë, qoftë edhe në një tryezë Shqipërinë për të filluar bisedimet“, nënvizoi kryeministri./CNA.al

LEXO TE PLOTE

Politikë

“Game Over”/ Kolaudimi i makinave, Rama jep njoftimin e rëndësishëm

Publikuar

-

Nga

“Game Over”/ Kolaudimi i makinave, Rama jep njoftimin e rëndësishëm

Kreu i qeverisë, Edi Rama ka dhënë një njoftim të rëndësishëm mbi procesin e kolaudimit të mjeteve.

Ai ka bërë apel që drejtuesit e mjeteve të kontrollojnë dhe të riparojnë mjetet përpara se çdo udhëtimi, pasi në të kundërt do të jenë direkt përgjegjës, duke rrezikuar ndëshkime, të cilat fillojnë nga gjobat dhe deri në daljen e përhershme të mjetit nga qarkullimi.

“Game Over! S’ka më shaka me kolaudimin”, shkruan Rama ndër të tjera, teksa tregon se nga 15.167 mjete të testuara në 15 ditët e para, 3454 mjete nuk e kanë kaluar kolaudimin.

Postimi i plotë:

Njoftim mbi procesin e kolaudimit të automjeteve

Nga rinisja e shërbimit të kontrollit teknik, tagër tashmë ekskluziv i DPSHTRR, (në 15 ditët e para) janë testuar 15,167 mjete nga të cilat:

-10,063 Automjete (4 deri 8+1) (66%)

-1,156 Autobusa (8%)

-3,179 Kamiona (21%)

-617 Rimorkio (4%)

-120 Motomjete (0.8%)

-32 Mjete Ndërtimi/Punimi Toke (0.2%)

-3,454 mjete ose 23% e totalit të mjeteve janë ngelur/refuzuar!

-2,607 (75.4%) Mjete janë ritestuar pas riparimeve dhe plotësimit të normave!?

-667 (19.4%) Mjete të ngelura, u ndalohet qarkullimi dhe priten për t’u riparaqitur në testim pas riparimeve!

-180 (5.2%) Mjete të refuzuara, u ndalohet qarkullimi (xhama të dëmtuar, goma të tejkonsumuara, defekte të rënda në sisteme, pamje e jashtme jo e rregullt)!

Riparoni në afatet ligjore mjetet rrugore! kontrolloni mjetin përpara çdo udhëtimi!

Kodi Rrugor, Neni 71, pika 5 dhe Neni 78, pika 4 ju bëjnë direkt përgjegjës nëse dilni në qarkullim me mjet rrugor me mangësi teknike ose funksionale!

Penalizimet: Masa, gjoba, pezullim licensash dhe deri dalje e përhershme e mjetit nga qarkullimi! s’ka më “shaka” me kolaudimin!

Game Over./CNA.al

LEXO TE PLOTE