Kur Luli cakton Gazin të gënjejë demokratët!

28 Qershor 2020, 16:46, Politikë CNA

Në rrethe demokratesh, ka disa ditë që flasin vec për qyfyren e fundit të dalë nga selia e PD.

E lançuar si lajmi i vitit, tullumbacja u shfry pak orë pasi u shpërnda një letër e gjatë e firmosur nga Gaz Bardhi.Për ata që akoma nuk e kanë vënë re, gjithë ato letra të mbushura janë firmosur nga Gaz Bardhi. Firma e Gazit është me stilograf. Ajo e Lulit nuk është firmë, është vula me gdhendje firme që Luli ja ka lënë Gazit për rastet e letrave pa vlerë si kjo e fundit.

Gazi i shkroi, Gazi i firmosi, Gazi i shpërndau, për ta bërë Gazin e botës Partinë e Demokrateve. E kush më mirë se Gazi mund të bëjë rolin e “sekretarit të Përgjithshëm” të PD?! Sot e gjithë ditën përveç Gazit, (që aq ja pret), nuk ka demokrat që beson tek sekretarlleku i përgjithshëm i Gaz Bardhit.

Jemi të sigurt që as dashnorja e Gazit nuk e merr seriozisht atë sekretarllek. Nëse do ishte kështu sot do kishim jo vetëm thjesht një dashnore, por një dashnore shumë xheloze nga frika se hartuesin e drafteve të PD, do ja merrnin gocat e FRPD-së. Ai udhëzim është turpi i Partisë Demokratike.

E përfytyroni dot Sali Berishën duke plotësuar të dhënat që duhen tek ai formulari i famshëm i quajtur formular kandidimi? Po Jozefina Topallin, Rodvan Boden, Sokol Olldashin (nëse do ishte gjallë), Besnik Mustafain, Ilir Rusmalin, dhe çdo deputet qe ka qenë qoftë edhe një herë i ulur në sallën e Kuvendit si deputet i PD?

Po Genc Ruli që mori përsipër barrën e rëndë të leximit të formularëve, do denjonte të plotesonte ai vetë për vete një formular si ai i shkruar nga Gaz Bardhi?! Ai formular nuk dëshmon vetëm sa pa lidhje me partinë është Luli apo Gazi, por është shembulli se sa të tredhur duhet të jenë ata burra që do pranojnë të plotësojnë atë formular.

A do flliqej dot ndonjë kryetar PD-je e të vetëposhtërohej deri në nivelin e uljes në karrige për të plotësuar të dhënat e atij formulari? Sa i patabiat duhet të jesh për të gëlltitur copën e mutit që të vë përpara Gaz Bardhi e që duhet ta shijosh deri në fletën e fundit?

Dhe më e rëndesishmja, a jemi të sigurtë që ata qenie pa mish e kocka, që nuk do e kenë për turp të plotësojnë atë formular, janë ata që i duhen sot PD??? Gjithkush beson që jo dhe mos pyesni se çfarë beson dhe mendon Gazi, pasi Gazi sot ëshë bere gaztori i selisë dhe i kafeneve ku mblidhen demokatët të qeshin me udhezimin e Gazit. Ata demokratë që u dhimbset PD, e dinë që PD sot nuk ka nevojë për vartësit imagjinarë të Gazit të cilët ai i përfytyron duke plotesuar formularin idiot.

Sot PD mund të mos ketë nevojë për Sali Berishën, Jozefina Topallin, Ridvan Boden, Sokol Olldashin, Besnik Mustafain, Ilir Rusmalin apo Genc Rulin personalisht. Por PD-se i duhen figura politike me forcën dhe staturën e tyre. Sepse PD- së qëkur e mori në dore Luli, u duhen të ngjashmit e tyre në politike. Ndryshe nuk mposhtet me votë Edi Rama. PD nuk ka nevojë për sakatllekun mendor të Bujar Nishanit apo Jemin Gjanës.

U duhet karizma e Sali Berishes, personaliteti i Jozefina Topallit, forca e mendimit e Sokol Olldashit, idealizmi i Ilir Rusmalit, urtësia e Besnik Mustafait, shkathtësia e Genc Rulit, burrëria e Ridvan Bodes dhe e gjithë të tjerëve që të përzënë kanë ikur duke marrë me vete gjithë të veçantat që kishin e që kur u bënë bashkë sollën pushtetin për demokratët!

PD-ja ka nevojë për njerëz që kthejnë fitoren. Ndryshe nuk kanë pse akaparojnë ca kandidatë për rrogtarë Kuvendi.

Aq më shumë që nga 200 prej këtyre formularmbushsave, vetëm nja 5 a 6 do arrijnë të futen në Kuvend. Të tjeret, pra 20 % e listës do mbushet nga Kunati i Bashës pasi të ketë mbushur arkën e familjes. Dhe mos harroni, PD në 2017 mori 28 % të vendeve ne Kuvend. Pas 4 viteve asgjë e mirë nuk ka ndodhur nq kampin blu! Është shtuar gazi, por jo shpresa! Ndaj mendoni pak: nëse Sali Berisha sipas jush do e kishte plotësuar atë formular, atëherë ai qenka formulari i shpëtimit. Ti që do marrësh në duar të plotesosht atë formular, mendo pak se sa shumë po të poshtërojnë për të justifikuar arketimin e Kunatit dhe gazin e Lulit.

Nëse beson se je dikushi, ai formular është i vetëplotësuar. Nëse beson se je dikushi, Genci Ruli i di të dhënat e tua dhe mund t?i plotësojë vetë për ty! Gazi duhet t?i plotësojë ato të dhëna për vete! Të dhënat e Gazit i duhen Genci Rulit!