web counter
LEXO PA REKLAMA!

SHKARKO APP

App Store
Google Play

E fundit!

x

Akuzat për tolerim dhe gjykime katastrofë, Kategoria e Parë zbret në fushë. Ja 6 sfidat që do të zhvillohen sot

27 Qershor 2020, 10:10, Sport CNA

Rikthehet Kategoria e Parë me sfida interesante, të skuadrave që duan mbijetesën. Kështu, sot luhen 5 ndeshje në Kategorinë e Parë. Takime të vlefshme për fazën ?Play-Off? në Grupi A dhe B, me skuadrat që luajnë sfidat ?finale? për të mbijetuar.

Dinamo pret në Pezë-Helmes skuadrën e Tërbunit të Pukës dhe diferenca mes dy ekipeve është vetëm një pikë. Me një fitore dinamovitët do të parakalonin në renditje Tërbunin e Pukës, duke hedhur një hap të rëndësishëm për të shpëtuar nga rënia.

Sfida tjetër në Grupin A është ajo mes Burrelit dhe Egnatias. Dy ekipet janë disi më të qeta në renditje edhe pse sot luhet për 3 pikë.

Në Grupin B, Turbina pret Ilirinë në shtëpi dhe fitorja është detyrim pasi vendasit ndodhen në vendin e parafundit dhe rrezikojnë rënie. Oriku luan ndaj Devollit dhe dy ekipet pothuajse e kanë siguruar qendrimin në Kategorinë e Parë.

Sfida tjetër interesante në këtë grup është edhe ajo mes Elbasanit dhe Shënkollit. Vendasit janë me me pikë të barabarta me Turbinën dhe një hap fals sot do ishte ?fatale? edhe pse nga ana tjetër Shënkolli vendit të fundit kërkon 3 pikë për të qendruar në të Parën.

Javët e fundit ka pasur shumë akuza për tolerim dhe gjykime të pandershme, ndërsa në sfidat e sotme që janë vendimtare nga klubet kërkohet që të ketë drejtësi, në mënyrë që mbijetesa të vendoset në fushë me meritokraci dhe jo me faktorë të tjerë?

Sot, ora 17:00

Play-Out/Grupi A

Dinamo-Tërbuni

Burreli-Egnatia

Veleçiku-Pushim

Play-Out/Grupi B

Elbasani-Shënkolli

Turbina-Iliria
Oriku-Devolli





Lajmet e fundit nga