E fundit!

22:46 Aktualitet

Pas ndeshjes, protestuesit zhvendosen te selia e PD-së: Opozitë e shitur

Pas ndeshjes, protestuesit janë zhvendosur para selisë së ...

“Turp dhe fyerje për shkencën shqiptare”/ Shpërthen Artan Fuga: Ky lajm është një fake news

24 Qershor 2020, 15:27, Politikë CNA

Akademiku dhe profesori i njohur Artan Fuga ka reaguar ashpër në rrjetet sociale, ndërsa e quan një fake neës lajmin se projekt – vendimi i qeverisë për regjistrimin e pakicave kombëtare dhe për përdorimin e gjuhëve të tyre ka kaluar për mendim në akademinë e shkencave të Shqipërisë.

Fuga shkruan se ky është një turp dhe fyerje për shkencën shqiptare nëse kjo e fundit sikurse njofton media të ketë bërë vetëm një propozim që në komision të jetë edhe një përfaqësues i ministrisë për punë të jashtme.

?Eshtë një e pavërtetë e madhe, një fake neës, nuk desha të them edhe një mashtrim i opinionit publik ajo që shkruhet apo deklarohet sikur projekt – vendimi i qeverisë për rregjistrimin e pakicave kombëtare dhe për përdorimin e gjuhëve të tyre paska kaluar për mendim në akademinë e shkencave të Shqipërisë!

Me përgjegjësi deklaroj se as në asamblenë e akademisë të shkencave, as në grupe të autorizuara prej saj, as në seksionin e shkencave albanologjike nuk është shqyrtuar një projekt-vendim i tillë.

Vetëm nëse dy a tre vetë në Kryesi kanë marrë këtë përgjegjësi që nuk u takon. Në këtë rast do të kishim një abuzim!.

Unë quaj një turp dhe fyerje për shkencën shqiptare nëse kjo e fundit sikurse njofton media të ketë bërë bërë vetëm një propozim që në komision të jetë edhe një përfaqësues i ministrisë për punë të jashtme.

Do të kishte qenë qesharake nëse gjithçka mund të thotë Akademia e Shkencave do të përmblidhej këtu!

Unë denoncoj këdo nëse hap të pavërteta!
Unë denoncoj Akademinë e Shkencave nëse e pavërteta rezulton e vërtetë, pra që ky deklarim vjen prej saj!

Por jetojmë në kohë ku qesharakja i ka vendin seriozitetit! Asgjë nuk është më çudi!?/CNA.al