web counter
LEXO PA REKLAMA!

SHKARKO APP

App Store
Google Play

Mëllugja tregohet i sinqertë: Penalltia nuk ishte 100%, goli i Bylisit mund të anulohej

24 Qershor 2020, 20:23, Sport CNA

Donald Mëllugja ishte lojtari më i mirë i ndeshjes së sotme, mes Skënderbeut dhe Bylisit, i cili së bashku me Mirakën e ndihmuan skuadrën ballshiote të kalojë në gjysmëfinalen e Kupës.

Pas përfundimit të ndeshjes, mesfushori është treguar i sinqertë në lidhje me rastet e dyshimta të ndeshjes teksa është shprehur se penalltia nuk ishte 100% dhe shton se te rasti i golit mund të jepej edhe goditje dënimi.

?Penalltia dhe rasti i golit? Nëse arbitri e dha penallti dhe e anulon për punë sekondash unë jam dakord. Por nëse e anulon pas 6-7 minutash pasi ndikohet nga të tjerë, është e papranueshme.

Me thënë të drejtën unë godita takën. Mbrojtësi shkoi më parë te topi dhe nuk jam 100% nëse ishte penallti. Rasti i golit edhe mund të jepej goditje dënimi, pasi unë ngre takë dhe me tendencë për topin.

Ne kemi forcën e grupit, jemi të gjithë të rinj dhe duam të biem në sy. Ne na është ngushtuar rrethi. Edhe sot nuk ishim në formën tonë më të mirë. Megjithatë mendoj se kemi bërë shumë mirë dhe do tentojmë Kupën, pasi në kampionat kemi bërë disa hapa fals. Skënderbeu është një skuadër shumë e mirë, por heroi jonë sot ishte Miraka që na shpëtoi në disa raste.?, u shpreh Mëllugja.





Lajmet e fundit nga