web counter
LEXO PA REKLAMA!

SHKARKO APP

App Store
Google Play

E fundit!

x

Majkëll Ngo pret dhuratë nga Laçi: Hajde Pashku, na bëj një nder...

20 Qershor 2020, 08:23, Sport CNA

Majkëll Ngo kërkon nder nga Laçi dhe presidenti Pashk Laska. Lojtari i bardhebluve, më i miri në sfidën e djeshme kundër Vllaznisë, pas sfidës me Tiranën për ?Panorama Sport? tha se për të vlen vetëm titulli dhe tri pikë. Sipas tij, Tirana është në rrugën e duhur për të ngritur trofeun që mungon prej 11 vitesh.

?Jam shumë i lumtur që fituam. Ishte një sfidë shumë e rëndësishme për ne, sepse vinim nga humbja në Durrës. Sfida mund të komplikohej, por ia dolëm që të fitonim 3-0?, tha në fillim Majkëll Ngoja.

Anglezi nga ana tjetër thotë se Skënderbeu është një sfidë që mund t?i hapë punë Tiranës, nëse skuadra nuk është e vëmendshme në fushën e lojës. Ngo bën thirrje që skuadra t?i marrë takimet një nga një për të marrë edhe në transfertën e radhës tri pikët dhe për të mbyllur përfundimisht çështjen titull.

?Tani puna bëhet më e vështirë, sepse janë edhe më pak ndeshje, por sfidat duhet t?i marrim një për një. Ndeshja e radhës që është në transfertë është shumë e vështirë. Kundërshtari është shumë i fortë dhe na ka hapur punë në sfidën e dytë në Korçë?, vazhdoi më te anglezi. Prej javësh Ngo nuk shënonte në kampionat, por goli i djeshëm e liroi nga pesha e rrjetës. Dhe jo vetëm kaq, por dha dy asiste për golat e Kalesë dhe Torasës, plotësuan numrin tre të golave.

?E rëndësishme për mua është ecuria e skuadrës, jo se kush jep pasat apo shënon golat. Të tillë janë edhe Kaleja, Kobina e me radhë. Jo vetëm unë, por kushdo që është në fushë duhet të japë asiste për të fituar. Rëndësi dhe vetëm rëndësi për skuadrën ka trepikëshi. Duhet të vazhdojmë kështu dhe të realizojmë misionin që ka klubi. Thelbësore është që të mos biem në presionin e Kukësit?, deklaroi Majkëll Ngoja.

Në fund, dy fjalë për sfidën mes Laçit dhe Kukësit dhe nëse pret ndonjë dhuratë nga Kurbini. Me shaka anglezi la një batutë. ?Hajde Laçi, hajde. Hajde Pashku, hajde??, mbylli sulmuesi i Tiranës.





Lajmet e fundit nga