web counter
LEXO PA REKLAMA!

SHKARKO APP

App Store
Google Play

“Po na bëjnë presion...”/ Klevis Balliu: Më erdhi policia në 7 të mëngjesit në shtëpi

17 Qershor 2020, 21:07, Politikë CNA

Ish-deputeti i PD-së, Klevis Balliu, ka treguar se mëngjesin e sotëm i ka shkuar policia në orën 7 të mëngjesit në shtëpi.

Balliu tha se efektivëte  policisë i kishin kërkuar të paraqitej në komisariat, pasi sipas tij Prokuroria ka mbyllur hetimin dhe ata donin që Balliu të firmoste.

Demokrati rrëfen se polici i ka thënë se po luhet një lojë me topa e llastiqe, ndërsa pretendon se se në këtë mënyrë mazhoranca po i bën presion.

?Unë kam me qindra çështje penale që janë fiktive të cilat janë bërë me urdhër të Ramës, për shkak të aksionit të opozitës. Në rastin konkret bëhet fjalë për arrestimin e dytë timin, për të cilin Prokuroria sot ka mbyllur hetimit dhe kërkon që unë të shkoj dhe të firmos. Kjo është normale, por Prokuroria të dërgon një letër, nuk të vjen policia në 7 të mëngjesit duke më thënë që duhet të shkoj të rajoni i policisë kur unë s’kam punë atje, por duhet të shkoj në Prokurori bashkë me avokatin tim për firmosjen e dokumenteve.

Pyeta përfaqësuesin e policisë dhe më tha se po bëhet një lojë me topa e llastiqe. Unë u thash se nuk jam unë topi që të luani me llastiqe. Duhet të shkoni te Prokurori. Këta përdorin në mënyrë meskine policinë për presion ndaj opozitës dhe angazhimet e saj për denoncime dhe mbrojtjen e votës. Kjo është e habitshme që kjo policia vjen qysh në 7 të mëngjesit për të ardhur te shtëpia e opozitës apo e ndonjë qytetari të thjeshtë kur nuk është vrarë njeri, por vetëm është mbrojtur interesi publik në një aferë korruptive për të cilën nuk ka asnjë të arrestuar?, tha ai në Rtv Ora./ CNA.al





Lajmet e fundit nga