web counter
LEXO PA REKLAMA!

SHKARKO APP

App Store
Google Play

E fundit!

x

PS i refuzoi propozimin/ Opozita "i kërkon llogari": Me cilën pjesë nuk jeni dakord

17 Qershor 2020, 17:44, Politikë CNA

Opozita joparlamentare i bëri sot një kërkesë mazhorancës, ku propozonte të krijohej një formulë e re për Komisionin Qendror të Zgjedhjeve që të reflektojë dakordësinë e arritur mes palëve në 5 Qershor, por kjo u refuzua.

Për këtë ka reaguar pak më parë opozita, e cila kërkon të dijë arsyen e refuzimit të kërkesës së tyre.

?Me cilën pjesë të propozimit nuk është dakord dhe arsyet pse, si dhe të bëjë një propozim të saj alternativ në përputhje me dakordësinë e 5 Qershorit, pra sesi të garantohet me ligj konsultimi dhe ndarja proporcionale e anëtarëve të KQZ midis partive të mazhorancës dhe partive të opozitës, si dhe vendimmarrja konsensuale për çështje të rëndësishme të procesit zgjedhor?, deklaron opozita, ndërsa pretendon se PS ka mbetur tek drafti i vjetër.

Sipas tyre, Komisioneri i Zgjedhjeve përzgjidhet në konsultim mes palëve, Zëvendës Komisioneri përzgjidhet nga partitë e opozitës, dhe anëtarët e Rregullatorit dhe KAS përzgjidhen nga partitë e mazhorancës dhe opozitës, të ndarë në mënyrë proporcionale.

?Theksojmë se garancitë ekzistuese për procesin zgjedhor të tilla si vendimmarrja me shumicë të kualifikuar aktualisht në fuqi në Kod, duhet të ruhen dhe nuk mund të zvogëlohen apo hiqen. E kundërta do të përbënte një hap prapa në kohë dhe standardë. Është e pashpjegueshme sesi PS kërkon të zhbëjë garanci që ekzistojnë aktualisht në Kodin Zgjedhor, mbi përcaktimin konsensual nga KQZ të rregullave të garës elektorale?, deklaron opozita.

Më tej thuhet se opozita i ka kushtuar rëndësi të posaçme formulës që garanton pavarësinë, njësoj si tek organet e drejtësisë, e dakordësuar me konsensus nga palët politike dhe e certifikuar edhe nga Komisioni i Venecias.

?E kemi të paqartë qëndrimin tuaj se kjo formulë e propozuar nga opozita për KQZ e cila është e njëjtë si ajo që përdorim për organet e reja të drejtësisë, sjell politizim ndërkohë që ju mbroni versionin se kandidatët për KQZ duhet të jenë propozime nga grupet parlamentare apo deputetë të veçantë, çka, në fakt, përbën politizim tërësor të kandidaturave?, nënvizohet në përgjigje./ CNA.al





Lajmet e fundit nga