web counter
LEXO PA REKLAMA!

SHKARKO APP

App Store
Google Play

“Fluturon” kurba e infektimeve/ Basha i kërkon llogari Ramës: Të paralajmërova por e kishe mendjen tjetërkund

16 Qershor 2020, 17:32, Politikë CNA

Kreu i PD-së, Lulzim Basha ka reaguar pas paralajmërimit të kryeministrit Rama se nëse do të vijojë  rritja e numrit të rasteve të reja me Covid-19, vendi do të shkojë drejt mbylljes sërish.

Teksa bën përgjegjës kryeministrin për rritjen e rasteve Basha shkruan se nëse Rama do të kishte bërë testime si në çdo vend tjetër, ne do ta dinim ku dhe si po përhapet koronavirusi duke theksuar se ai dhe PD e kanë ngritur qindra herë këtë çështje, duke kërkuar strategjinë e daljes.

?Nëse Rama do të kishte bërë testime si në çdo vend tjetër, ne do ta dinim ku dhe si po përhapet koronavirusi. E kam ngritur këtë çështje me qindra herë, javë pas jave duke nënvizuar se testimi është element shumë i rëndësishëm edhe për strategjinë e daljes.
I kërkova të mbrojë mjekët dhe personelin në spitalet e qendrat shendetesore, të mbyllë fasoneritë dhe call centers si vatrat më të mëdha që rrezikonin infektimin masiv, siç dhe ndodhi. Po ai nuk bëri asgjë. Propozuam edhe planin për një dalje sa më të lehtë për njerëzit nga karantina, pa rrezikuar shëndetin e tyre dhe duke mbështetur njerëzit në nevojë dhe ekonominë. Sepse shëndeti i qytetareve dhe ekonomia janë prioriteti absolut.
Por Rama e kishte mendjen tjetërkund: te shfaqjet dhe zdërhalljet me orë para ekranit si narcisti para pasqyrës, tek tenderat sekretë me miliona euro vjedhje në kohë pandemie, te pagesat nga taksat e shqiptarëve për inceneratorët dhe landfillet e Bandës së Lushnjës dhe jo të siguronte testimet e duhura apo të mbështeste qytetarët në vështirësi dhe ekonominë në krizë të thellë. Sot të gjithë shqiptarët e kanë kuptuar se kërcënimi më i madh për shëndetin e tyre dhe për ekonominë e tyre është RAMAVIRUSI: ai është e keqja e vendit?, shkruan Basha./CNA.al





Lajmet e fundit nga