web counter
LEXO PA REKLAMA!

SHKARKO APP

App Store
Google Play

E fundit!

x

Ministria iu “rrëzon” kërkesat/ Maturantët vijonë protestën

12 Qershor 2020, 13:23, Sociale CNA

Drejtoresha e Qendrës së Shërbimeve Arsimore, Rezana Vrapi ka reaguar në lidhje me pretendimet e maturantëve për provimin e Gjuhës Shqipe dhe Letërsisë.

Në një deklaratë për mediat,  Rezana Vrapi tha se nuk do të ketë rivlerësim të testit të Maturës Shtetërore, ndërsa rrëzoi edhe kërkesën për mosvlerësim të pyetjeve jashtë programit.

Ajo tha se asnjë nga pyetjet e testit nuk është jashtë programit dhe se pretendimet nuk qëndrojnë.

“Nuk ka mundësi rivlerësimi, pasi nuk ka gabime, apo pyete që të hiqen nga testi. Pas datës 18 do të bëjmë shpalljen dhe në krah të emrit, do të bëjmë edhe variantin që kanë pasur. Edhe testi edhe skema do të bëhen publike.

Për sistemin e pikëve do të bëhet analiza në fund të daljes së rezultateve për të parë si qëndron shpërndarja nga niveli i vështirësisë. Nuk kam pretendim konkret për pyetjet. Nëse ka mësues që e kanë këtë shqetësim i mirëpres, por në tavolinë profesionistësh” tha ajo.

Nga ana tjetër, maturantët vijojnë protestën para Ministrisë së Arsimit.

Maturantët kanë hedhur edhe vezë në drejtim të ministrisë, pasi nuk po marrin përgjigje për kërkesat e tyre.

Një nga maturantët është futur brenda, por nuk e kanë dorëzuar kërkesën, pasi kërkojnë që të dalë ministrja e Arsimit, Besa Shahini dhe të marrë kërkesën.





Lajmet e fundit nga