Varfëria e shkollave në Shqipëri/ OECD: Të ndryshojë formula e financimit, ndikon tek cilësia e mësimit

11 Qershor 2020, 09:39, Sociale CNA

Shkollat në Shqipëri mbeten të nënfinancuara dhe kjo ndikon dukshëm në cilësinë e mësimit që u ofrohet nxënësve. Organizata për Bashkëpunim Ekonomik dhe Zhvillim në një analizë tërësore për arsimin në vendin tonë shprehet se Shqipëria shpenzon shumë më pak se vendet e tjera të rajonit si përqindje e PBB-së, por formula sjell edhe diferenca nga njëra shkollë në tjetrën brenda vendit.

?Kapaciteti i shkollave për të dhënë mësim kufizohet nga mungesa e materialit arsimor (d.m.th. librat shkollorë, pajisjet e IT dhe biblioteka ose materialet e laboratorit. Kjo i vë shkollat nën presion për të kërkuar burime të tjera të financimi. Në një shkollë të vizituar nga ekipi shqyrtues, prindërit po grumbullonin fonde për të mbuluar koston e ngrohësve. Për më tepër, fondet nuk shpërndahen në mënyrë të barabartë? vlerëson OECD.

Po kështu i njëjti dokument thekson teksa nënfinancimi kufizon aftësinë e shkollave për të marrë masa përmirësuese, financimi i jo i barabartë nënkupton se shkollat që kanë nevojë për më shumë mbështetje si ato në zonat rurale mund të jenë në një disavantazh edhe më të madh.

?Shqipëria duhet të bëjë ndryshime në mënyrën e financimit të shkollave për të siguruar barazi më të madhe. Grantet diskrecionale gjithashtu duhet të përdoren për të ndihmuar shkollat që janë të disavantazh që të punojnë drejt përmirësimit. Sigurohuni që fondet të shpërndahen në mënyrë të barabartë për të gjitha shkollat.

Financimi qendror që drejtoritë rajonale dhe zyrat lokale të arsimit përdorin për të mbuluar shumicën e shpenzimeve të shkollave (psh. rrogat e mësuesve, librat shkollorë) nuk bazohet në një formulë financimi që merr parasysh kontekstet e veçanta të zonës lokale ose shkollave. Në në të njëjtën kohë, fondet për mirëmbajtjen e ndërtesave shkollore dhe kostot e përsëritura (p.sh. uji, energjia elektrike, ngrohja) nuk janë të mjaftueshme për të përmbushur nevojat e shkollave.

Stafi i shkollës i tha ekipit të shqyrtimit që infrastruktura e dobët ishte një pengesë e rëndësishme për përmirësimin e mësimdhënies dhe të mësuarit? thuhet në raportin e OECD.

Kjo e fundit rekomandon sa i takon kësaj pjese të paktën dy pika ku së pari të bëhet futja e një formule të ponderuar financimi për shkollat sa i takon shërbimeve arsimore si dhe të sigurohen fonde në dispozicion për të mbuluar nevojat e infrastrukturës./ Monitor