web counter
LEXO PA REKLAMA!

SHKARKO APP

App Store
Google Play

E fundit!

x

Mbërrin në Rinas charteri i parë turistik në Europë, me turistë nga Bjellorusia

12 Qershor 2020, 19:17, Sociale CNA

189 turistë mbërritën nga Minsku, kryeqyteti i Bjellorusisë në aeroportin e Rinasit, të cilët kanë zgjedhur si destinacionin e tyre veror vendin tonë për të shijuar plazhet e mrekullueshme të Shqipërisë.

?Pata kënaqesinë te dhuroja një buqetë me 189 lule, pasi janë pasagjeret e pare që erdhen sot ne Shqipëri, duke mbushur plot e per plot charterin e pare, i cili jo vetem erdhi në Shqipëri si charteri i parë turistik, po sipas informacioneve që ne kemi është dhe charteri i parë në Europë?, tha Ministri I turizmit, Blendi Klosi. Ai tha se do të ketë 3 chartera në javë në Shqipëri.

Aeroporti Ndërkombëtar i Tiranës mbajti një ceremoni për të festuar fluturimin e parë çarter në vend, pas lehtësimit të kufizimeve si pasojë e pandemisë COVID-19.

Çarteri turistik erdhi me kompaninë ?Belavia?, linja ajrore kombëtare e Bjellorusisë.

?Ne po i rindezim motorët e industrisë së turizmit sot me këtë lajm të mrekullueshëm të 198 turistëve që vijnë nga Bjellorusia me Belavia Airlines. Në emër të Aeroportit Ndërkombëtar të Tiranës, ju uroj mirëseardhjen e ngrohtë atyre dhe shumë turistëve të tjerë që janë duke u përgatitur të vijnë e të vizitojnë Shqipërinë? ,u shpreh Constantin von Alvensleben, drejtor i përgjithshëm ekzekutiv i Tirana International Airport.

Fluturimi i planifikuar çarter do të funksionojë gjatë gjithë verës me një avion Boing 737-800, dy herë në javë, të martën dhe të premten.

Aegean Airlines, transportuesi flamurmbajtës i Greqisë si dhe Austrian Airlines kanë njoftuar se fluturimet e para, përkatësisht nga Athina dhe Vjena drejt Tiranës do të fillojnë në 15 qershor 2020.

Që nga mesi i marsit, kur COVID-19 kulmoi, trafiku i pasagjerëve në TIA është zvogëluar shumë, ndërsa aeroporti mbetet i hapur për fluturimet humanitare dhe riatdhesimet, nga të cilat ka të paktën një në ditë. Krahas saj, TIA ka një ose dy fluturime mallrash çdo ditë.





Lajmet e fundit nga