E fundit!

11:59 Aktualitet

Mosfillimi i hetimeve për punonjësit e paraburgimit/ Ish-presidenti i drejtohet Gjykatës së Tiranës

Ish-presidenti Ilir Meta i është drejtuar Gjykatës së Tira...

Gazetari rrëfen 12 qershorin 1999/ Nuk e imagjinoja dot se...

12 Qershor 2020, 12:27, Kosova & Bota CNA

Gazetari Asllan Bajrami, i cili në vitin 1999 ishte anëtar i redaksisë së Kosovës në Radiotelevizionin Shqiptar dhe raportoi nga terreni futjen e forcave të NATO-s në Kosovë, rrëfeu për Euronews Albania përjetimet e asaj dite.

Asllani qe vendosur pranë kufirit mes Maqedonisë së Veriut dhe bashkë me operatorin e RTSH-së, Driton Ymeri, jo vetëm që filmoi helikopterët dhe forcat e NATO-s teksa hynin në Kosovë, por mundi të fiksonte edhe përjetimet e para të shqiptarëve të cilët e prisnin me padurim atë ditë.

?Pavarësisht paralajmërimeve se mund të qëlloheshim nga snajperë të maskuar serbë nga kodrinat rrotull pranë kufirit, arritëm të mbërrinim në vendin dhe kohën e duhur, mes natës së 11 dhe 12 qershorit 1999,? ? tregoi Asllani teksa shtoi se operatori Ymeri po përdorte për herë të parë kamerën.

Ish-gazetari i RTSH-së tregoi se ushtarët e NATO-s e uronin kur mësonin se ishte nga Kosova dhe po raportonte për shqiptarët për misionin e tyre. Asllani tha se përjetimi i shqiptarëve të vendosur në kampet e kufirit ishte gjithashtu emocionues.

?Ne ishim të parët nga mediat shqiptare që fiksuam kalvarin e tankeve britanike që po futeshin në Kosovë dhe ishte një lajm i jashtëzakonshëm për gjithë botën sepse frenoi një shtet si Serbia që kishte ushtruar një gjenocid të paparë që nuk e njeh historia që pas Luftës së Dytë Botërore,? ? tha Asllani teksa e konsideroi atë ditë të papërshkrueshëm emocionalisht.

?Nuk e imagjinoja dot nëse e arrita vërtetë si gazetar ditën e çlirimit të Kosovës dhe gjithmonë e kujtoj, jo vetëm më 12 qershor, por çdo ditë dhe them a jemi vallë vërtetë të çliruar dhe si duket kemi ende shumë punë për të bërë që Kosova të jetë shtet i dinjitetshëm e serioz me një klasë politike përgjegjëse,? ? analizoi Asllani.

I pyetur se si u prit 12 qershori 1999 në anën e UÇK-së, Asllani tha se ?ata ishin bërë njësh me NATO-n? dhe se ?ndërhyrja e tyre ishte një forcë më shumë?.

?Nga data 24 mars 1999 kur nisën bombardimet e NATO-s e deri në përfundim të luftës, ushtria dhe paramilitarët serb kanë ushtruar terror të jashtëzakonshëm, janë hakmarrë ndër gra e burra duke hapur rreth 500 varre masive për të fshehur krimet e tyre, rreth 410 masakra ndodhën në Kosovë, u përdhunuan rreth 20 mijë gra,? ? kujtoi Asllani.

Njëzetë e një vite pas çlirimit, gazetari që raportoi ditën e shumëpritur të ndërhyrjes së NATO-s, thotë se klasa politike e Kosovës ?lë shumë për të dëshiruar?.

?Klasa politike nuk është në nivelin e përgjegjësive për atë çka ishte betuar si UÇK, ka mjaft probleme, të cilat besoj se brezi i ri i shqiptarëve të Kosovës do t?i lexojë drejt për të mos bërë gabime të ngjashme me ato të bëra gjatë kësaj periudhe dhe Kosova do të jetë shumë shpejt pjesë e organizatave ndërkombëtare,? ? tha me optimizëm gazetari i njohur.