web counter
LEXO PA REKLAMA!

SHKARKO APP

App Store
Google Play

E fundit!

x

Veliaj i shkel “syrin” Ylli Ndroqit, me padinë ndaj CNA

24 Maj 2020, 07:43, Politikë CNA

Dy ditë më parë mësuam dy padi të bëra thuajse në të njëjtën kohë. E para dërguar në Gjykatën Penale në datën 21 maj nga shtetasi Ylli Ndroqi, dhe e dyta nga kryebashkiaku i Tiranës, Erion Veliaj.

I pari një person me emër dhe mbiemër të ndryshuar, por që deri tani ka pranuar vetëm ndryshimin e emrit dhe ne publikuam të dhënat zyrtare për ndryshimin e mbiemrit dhe gjithashtu treguam se ky shtetas, pra Xhemail Pasmaçiu, që është emri i vërtetë i Ylli Ndroqit, ishte arestuar për trafik droge në Turqi. Gjë që Zoti Ndroqi nuk e ka pranuar deri tani.

Ai është një biznesmen, një person privat, por ai mban edhe licensa publike. Ka edhe një media dhe ushtron me të informimin e publikut.

Këto i nxorëm për të thënë se që të kesh një media, duhet të kesh një dëshmi penaliteti të pastër, që besojmë se Xhemail Pasmaçiu nuk e ka, por e ka Ylli Ndroqi.

Ky i fundit nuk e pranon të vërtetën. Ne shpresojmë që ai ta bëjë këtë dhe nuk është turp të kesh qenë i ndaluar dhe i dënuar. Ligji është ligj. Ke mbajtur përgjegjësitë, je dënuar dhe ecën përpara.

Por, e shkuara nuk mund të shitet, as nuk mund të blihet. As duke shantazhuar, as duke shpifur dhe as duke paditur.

Por, menjëherë pasi ne nxorëm dokumentet për Ylli Ndroqin, kryebashkiaku i Tiranës reagoi fort. Nga njëra anë kishim akuzat e njerëzve të Ndroqit se ne ishim shërbëtorë të Veliajt dhe nga ana tjetër na erdhi një padi nga Erion Veliaj.

Pak e çuditshme, por lehtësisht e lexueshme.

Erion Veliaj me padinë ndaj CNA.al, i ?shkel syrin? Ylli Ndroqit. Ai sot në rolin e kryetarit të Bashkisë, nga informacionet që ne kemi, ka bërë gati edhe gati 20 padi të tjera për shkrime të ndryshme, ku vlerat që kërkon janë të pakta, por 20 padi i 20-fishojnë shumat e kërkuara, pa shkuar më tej tek heqja e shkrimit dhe përgënjeshtrimi i tyre.

Veliaj bën padi ndaj CNA.al, në momentin që ne nxorëm një të vërtetë të madhe për opinionin publik, për t?i ?shkelur syrin? Xhemail Pasmaçiut apo Ylli Ndroqit, që ka kohë që po e sulmon.

Pra, për t?i thënë se nuk është ai pas sulmeve, apo të vërtetës që ne thamë. Jo se i ?digjet barku? shumë për ne. Por, mesa duket ai shtrin dorën ndaj pronarit të Ora News, pas një lufte mes dy palëve që duket se ka filluar për çështje, të cilat janë të errëta. Në një prononcim publik nga Bulevardi i ri, Erion Veliaj tha se ishte çështje presioni, shantazhi apo gjobash, që bëhej ndaj tij. Por, asnjëherë nuk tha emrin e kujt.

Ne na erdhi gjoba nga Veliaj, na erdhi gjoba edhe nga Ylli Ndroqi.

Kryebashkiaku i Tiranës, më parë paralajmëroi. Çoi kompani reklamuese, çoi juristët e tij, filloi presionet, sulmet. Raportimet janë të provuara. Serveri ynë është denoncuar, faqja jonë është raportuar në rrjetet sociale, e të tjera si këto.

Pasi nuk ia doli, pasi ne nuk iu nënshtruam, tani shkoi në gjykatë.

Të njëjtën mënyrë përdor edhe Ylli Ndroqi. Ai përdor sharësat e tij, me sulmet e tij, që ne të stepemi dhe të mos themi të vërtetën, duke çuar edhe padi në Gjykatë. Por, ne nuk do të ndalemi. E vërteta do ta dalë deri në fund.

Kështu ndodhi si rasti i Veliajt, edhe tre vite më parë. Pasi ne publikuam disa shkrime për Zotin Ndroqi, ai shkoi dhe bëri një padi në Gjykatë.

Në atë kohë, një ministër i Edi Ramës na ktheu një përgjigje negative. Saimir Tahiri na tha se nuk do të na jepte të dhënat e Ylli Ndroqit. Dhe në momentin kur ne me shkresë do t?i drejtoheshim gjykatës, pra që ajo të kërkonte të dhënat e tij personale, editori ynë u dhunua afër zyrave dhe redaksisë së CNA.al.

Më pas çështja u mbyll. Një pjesë e materialeve u tërhoqën edhe për shkak të faktit se kishte ndodhur një ngjarje e rëndë dhe njerëzit ndiheshin shumë të rezikuar.

Por, në ato momente, pas dhunës, ajo që ishte më e çuditshmja, ishte ?dashuria? e Top Channel me Ora News, e Vjollca Hoxhës me Ylli Ndroqin. Megjithëse në atë kohë përplaseshin ashpër për platformën Digitalb, dhe disa licensa frekuencash që jepte AMA.

U përplasën, por ditën e ngjarjes, Ora News nuk e raportoi fare lajmin dhe ne këtë e kemi të vërtetuar. Kemi edhe provat pasi e kemi regjistruar në monitorimet e televizioneve, krejt rastësisht kuptohet. Dhe Top Channel dhe kronikën në orën 15:30 dhe më pas e hoqi atë dhe zhduku çdo lajm nga faqja zyrtare e web-it.

Pra, kështu siç po vepron Erion Veliaj, ka vepruar edhe Vjollca Hoxha tre vite më parë.

Hoqi lajmin dhe i shtriu dorën Ylli Ndroqit në heshtje. Sot bashkëpunimi dhe miqësia mes tyre mund të jetë në një standart tjetër. Dikur përplaseshin, sot mund të jenë miq. Kjo nuk ka më rëndësi. Pasojat i vuajtëm ne. Por, të njëjtën mënyrë po përdor edhe kryebashkiaku i Tiranës.

E ka të provuar se kur Vjollca shtriu dorën duke mos na mbështetur, siç ndodhi në fakt me të gjithë mediat e tjera, marëveshjen me Zotin Ndroqi e gjeti dhe miqësinë e vazhdon.

Kështu po vepron edhe Erion Veliaj, i cili edhe pse po përplaset dhe po sulmohet ashpër nga Ora News, çon një padi ndaj CNA.al, për t?i dhënë sinjalin Ylli Ndroqit se nuk është ai pas nesh por është i gatshëm të bëjë pazarin e radhës.

Këtë radhë ndoshta jo me Yllin, por me Xhemail Ndroqin, me Ylli Pasmaçiun, apo Xhemail Pasmaçiun.

BOOM-Ylli Ndroqi trafikanti i drogës Xhemail Pasmaçiu/ Dokumentet e gjendjes civile

?Thithlopat? e Xhemailit, Monës, Lalit dhe Rilindjes

Faktet/ Kush janë pronarët e mediave në Shqipëri

Një sufllaqe për palaçot e oborrit të Pasmaçiut

Një mesazh publik/ Sa shumë e duam Erion Veliajn

Dy gëzime në një ditë/ Erion Veliaj dhe Ylli Ndroqi padisin CNA.al





Lajmet e fundit nga