Faktet/ Kush janë pronarët e mediave në Shqipëri

21 Maj 2020, 16:14, Politikë CNA

Në gati pesë vite CNA.al ka publikuar me dhjetëra e dhjetëra shkrime jo për një, por gati për të gjithë botuesit dhe pronarët e mediave kryesorë në Shqipëri.

Kjo për një arsye shumë të thjeshtë, ne besojmë dhe vazhdojmë të këmbëngulim se jo vetëm politika shqiptarë është përgjegjëse për situatën e një tranzicioni të dhimbshëm 30 vjeçar në vend, por dhe media, shërbimet dhe lidhjet e saj me politikën.

Ne kemi shkruar për Irfan Hysenbelliun e ?Fokus media grup? për pallatet e ndërtuara, bizneset e tij dhe legalizimet e tyre.

Lidhjet e forta me bashkinë e Tiranës, me Lulzim Bashën me Erion Veliajn, me Edi Ramën dhe kështu me radhë.

Por, nuk kemi lënë mënjanë të raportojmë edhe Koço Kokëdhimën, bizneset e tij, mediat e tij dje, pavarësisht se sot është shkëputur nga Rilindja dhe perandoria e tij u shemb apo u dogj si kashtë me shkrepsen që i vuri Edi Rama.

Ne nuk jemi ndalur përballë të vërtetës, edhe për Aleksandër Frangajn, denoncimet ndaj tij, bizneset e tij, lidhjet me qeverinë, me Berishën dje apo me Ramën sot.

Më tej kemi raportuar një fakt për herë të parë, që tregonte sesa skandaloze ishte lidhja e qeverisë me televizionet kombëtare.

Është rasti i Top Channel, kur pronarja e këtij televizioni Vjollca Hoxha, kishte në ortakëri në kompanine e saj ?Valtelino Caffe? me gati 51% të aksioneve, bashkëaksionerët e koncesionit të inceneratorëve në vend.

Kemi shkruar dhe raportuar edhe për Karlo Bolinon, njeriun e koncesioneve të qeverisë dhe shumë i akuzuar edhe nga opozita për lidhje, afera dhe përplasje.

Nuk jemi ndalur për të thënë të vërtetën për Ylli Ndroqin, pronarin e Ora News, por në të gjitha rastet me fakte dhe prova konkrete kemi treguar kush janë lidhjet e tyre politike, si i shërbejnë njëherë njërës palë e njëherë palës tjetër.

Por, një gjë kemi vënë re, askush nuk është viktimizuar dhe askush nuk ka reaguar në mënyrë kaq qesharake, banale dhe të pavlerë sa Ylli Ndoqi i cili fatkeqësisht megjithëse është pronar mediash, nuk pranon dhe nuk duron dot që e vërteta të shkruhet dhe të thuhet.

Kështu ka ndodhur në vitin 2017, edhe me Ylli Ndroqin. Atëherë na sulmoi nëpërmjet kompanive të reklamave për të na i hequr ato. Sot po qan duke thënë se po i vemë gjobë. Sot, kanë gjetur një stil tjetër, fillojnë lebetiten, akuzojnë, bërtasin, shpifin, gënjejnë. Çdo gjë mund ta bëjnë, janë të lirë! Ne do të jemi ndryshe do të vazhdojmë misionin tonë, do të themi të vërtetën me fakte dhe dokumenta konkrete.

Ka dhe shumë të tjerë, por këta mjaftojnë për të treguar se kush janë pronarët e vërtëtë të mediave në Shqipëri./CNA.al

BOOM-Ylli Ndroqi trafikanti i drogës Xhemail Pasmaçiu/ Dokumentet e gjendjes civile