E fundit!

12:41 Aktualitet

Skandali me ekspozitat ndërkombëtare të Ramës/ PD kërkon transparencë për financimin e tyre

Zëdhënësja për Antikorrupsionin në PD, Genta Vangjeli ka k...

Gjici bën gati skenarin: Kampionatin nuk e përfundojmë dot, në Champions shkon Kukësi

13 Maj 2020, 08:48, Sport CNA

Presidenti Safet Gjici, i ka befasuar të gjithë me deklaratën e fundit, teksa beson se Kukësit mund të shkojë në Champions, në rast se kampionati nuk rifillon, pavarësisht se aktualisht është në vend të dytë. Në një prononcim për ?RTSH?, kreu i verilindorëve ka shpjeguar se skuadrat nuk kanë as kushtet dhe as kohën e duhur në dispozicion për të çuar në fund kampionatin.

RIFILLIMI I KAMPIONATIT- Nuk kemi kohë fizike për t?u përgatitur për të luajtur në fushë për shkak se ka dy muaj e gjysmë gati që futbollistët janë në shtëpitë e tyre dhe nuk kanë bërë asnjë stërvitje. Klubet tona nuk kanë mundësi financiare, organizative dhe strukturore që të zbatojnë pikë për pikë protokollin e Ministisë së Shëndetësisë.

Nuk jam për ta bllokuar sportin, jam për ta hapur, por o hapet tani, o nuk hapet më, se nuk kapim afatet. Më 2 gusht duhet të jetë i përfunduar kampionati, ne duam 3 javë minimum që të bëjmë fazë përgatitore, i bie që po nuk u hap me 14, ne me datën 1-2 të fillojmë ndeshjet zyrtare, nuk e kapim dot.

SKUADRA QË SHKON NË CHAMPIONS- Llogjikshëm do të ishte të vendosej sipas pikëzimti të Europës që i bie Skënderbeu, Kukësi e me radhë. Por Skënderbeu nuk futet, futet Kukësi. Ose Federata me UEFA-n të vendosë sipas renditjes që është sot, kjo është një çështje për ta vendosur UEFA.

UEFA në fakt, sipas informacioneve që kam unë, ka thënë që kampionatet nëse mbyllen, do të vlerësohen skuadrat sipas pikëzimeve që kanë ekipet në Europë, domethënë nëse Skënderbeu është me pikë në krye të tabelës e pas Skënderbeut vjen Kukësi, Skënderbeu nuk futet për shumë e shumë arsyet që dimë, e i bie që Kukësi të shkojë në Chamapions League.

Por edhe nëse do të vendoset në bazë të renditjes që është sot, ne nuk kemi probleme, nuk është problemi ynë si vendoset për të luajtur në Europë apo në Ligën e Kampioneve?, deklaroi Gjici.