web counter
LEXO PA REKLAMA!

SHKARKO APP

App Store
Google Play

E fundit!

x

Zjarri në Ministrinë e Shëndetësisë/ Bardhi sjell provat, si u dogjën dokumentet

11 Maj 2020, 19:09, Politikë CNA

Sekretari i përgjithshëm i Partisë Demokratike, Gazment Bardhi në një intervistë për Syri tv, ka folur për akuzat se në katin e 4-rt të Ministrisë së Shëndetësisë, atje ku ndodhet zyra e prokurorimeve, janë djegur dokumente të tenderave sekretë, që po hetohen nga SPAK.

Bardhi këmbëngul se nuk bëhet fjalë për një incident, por për djegje dhe zhdukje të qëllimshme të provave lidhur  me tenderat sekretë.

?Ne provuam në mënyrë të pakundërshtueshme se më datën 15 prill, jashtë orarit zyrtar, në ambientet e Ministrisë së Shëndetësisë kishte rënë zjarr apo alarmi për zjarr. Dhe nga verifikimi i bërë nga vetë punonjësit e sigurisë në institucion ishte konstatuar djegja e një sasie të konsiderueshme dokumentesh. Për ata që punojnë në administratë publike e dinë fare mirë që, nuk ndodh kurrë që një punonjës i administratës publike të djegë dokumenta, qoftë edhe kur ato dokumenta nuk i duhen. Nuk i ve zjarrin në mes të zyrës por e merr dhe e hedh letrën në koshin e plehrave.

Të dhënat tona të besueshme, në të njëjtën formë siç morëm informacionin për zhvillimin e këtyre procedurave sekrete të tenderimit, apo të çmimeve skandaloze të blerjeve të materialeve , na kanë konfirmuar që bëhet fjalë për djegje dhe zhdukje të provave lidhur  me tenderat sekretë.

Një ditë thotë se nuk ka tym dhe është vetëm në kokën e PD dhe më pas thotë se ka patur tym por nuk ka lidhje me dokumentet e tenderave sekretë por ka lidhje me incidentin e shkarkuar nga një nëpunëse tregon qartë që Ministria e Shëndetësisë po përpiqet me çdo mjet të fshehë provat?, tha Bardhi/CNA.al





Lajmet e fundit nga