web counter
LEXO PA REKLAMA!

SHKARKO APP

App Store
Google Play

E fundit!

x

Zv.ministri i Jashtëm thirrje politikanëve/ "Duhet pakt kombëtar, jo përkatësi politike"

9 Maj 2020, 20:10, Politikë CNA

Ditën e sotme kryeministri Edi Rama i bëri një tjetër ftesë kreut të Republikës së Re Lulzim Bashës, por ky i fundit e refuzoi.

Për këtë ka folur edhe zv.ministri i Jashtëm Etjen Xhafaj, i cili kërkoi që të lihet mënjanë politika dhe të shikohet interesi i qytetarëve.

Xhafaj theksoi se e domosdoshme është të kemi një pakt mbarëkombëtar për të ecur përpara dhe për të zgjidhur çështje madhore kombëtare.

“Shqipëria si të gjithë vendet në botë aktualisht ka një sfidë tejet të madhe. Duhet të kuptoni që përtej palëve politike, përtej përkatësisë ka një rëndësi të madhe që ne si komb të bashkohemi për çështjet kryesore që kanë rëndësi për aspiratat e popullit shqiptar. Ky vit është tejet i rëndësishëm për popullin shqiptar, jo vetëm nga pandemia, jo vetëm nga hapja e negociatave, por edhe nga ato që janë efektet e tërmetit të 26 nëntorit. Këto janë çështje madhore kombëtare për të cilat duhet të bashkohen të gjitha palët. Nuk ka përkatësi politike.

Këtu po flasim për të ardhmen e vendit tonë, për të ardhmen e gjithë qytetarëve dhe për të ardhmen e vendit tonë, për të ardhmen e gjithë fëmijëve tani. Është e domosdoshme që ne të kemi një pakt mbarë kombëtar për të ecur përpara për të zgjidhur këto çështje përtej atyre që janë mospranimet apo mos dakordësitë në politikën tonë. Është tejet e rëndësishme që në këtë moment të gjejmë një akord për ta nxjerrë vendin nga ky problem tërësisht ekonomik që do na ndjekë përgjatë 2020 dhe do të vazhdojë më tej nëse nuk bashkohemi. Por nëse bashkohemi kemi mundësinë të ecim përpara”, theksoi zv.ministri./ CNA.al





Lajmet e fundit nga