E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Kritikat ndaj socialisteve/ Bushati: Çështjet e ngritura nga unë janë trajtuar heshturazi

9 Maj 2020, 16:19, Politikë CNA

Ish ministri i Jashtëm, njëkohësisht deputet i PS, Ditmir Bushati, në një intervistë për Ora neës, ka folur për debatet e fundit që ka patur me PS dhe deklaratat e tij në Kuvend, ndërsa i kërkon drejtueseve të mazhorancës që partia të hapet ndaj debateve të shëndetshme.

?E konsideroj PS organizatën dhe familjen time. Besoj se demokracia partiake, demokracia institucionale mund te shëndoshet me tej vetëm me një debat të hapur dhe të sinqertë. Në mendimin tim nuk ka një forcë konkurruese ndaj PS, por kjo nuk mund të na bëjë që të ndihemi të vetëkënaqur, që të mos kemi nevojë për një debat të ndershëm brenda radhëve tona.?

Lidhur me qëndrimet e tij të forta kritike, Bushati nuk përjashton edhe faktin se mund ti kushtojnë atij përjashtimin nga partia.

?Unë do të vazhdoj që të shërbej në PS. Por si për çdo forcë politike, për më tepër kur je në qeverisje nuk ke imunitet absolut për fenomenet unë kam folur. Besoj se kontributi im në PS do të vazhdojë dhe jam gjithashtu i vlerësuar për çështjet që unë kam patur pikëpyetjet e mija janë trajtuar qoftë heshturazi apo në mënyra të tjera.

Ne po hymë në një fazë vendimtare, jemi vetëm një vit larg zgjedhjeve dhe besoj se kontributi i secilit do të vlerësohet për të patur një platformë edhe më të qartë për Shqipërinë e viteve që po vijnë. për te pasur një analizë sa më të plotë, jo vetëm arritjet tona të padiskutueshme gjatë 7 viteve, por edhe të identifikimit të nevojës për të ndryshuar shumçka që është e nevojshme për të rifituar besimin e njerëzve për një mandat të tretë dhe për të mos i kthyer shpinën asnjë socialisti, asnjë demokrati. Dhe për të pasur një ekip sa më dinjitoz!?/CNA.al