Silva Bino qenka edhe arrogante!

3 Maj 2020, 08:42, Lifestyle CNA

Prej ditësh disa mjeke të njohur janë shprehur se rastet e para në vend me COVID mund të jenë shënuar që në Janar.

Ne dy ditët e fundit personalitete serioze kanë shpjeguar pohimet e tyre edhe me disa grafi të pacientëve që kanë qenë të shtruar në spitalet publike në Tiranë. Imazhet pulmonare, kanë shpjeguar ata, janë tipike për personat e infektuar me koronavirusin e ri. Këtë kanë thënë mjektet. Nuk kanë sharë dhe as ofenduar askënd.

Mbështetur mbi kopje grafish, që në këtë rast shërbejnë si provë e hipotezës se tyre, kanë ripërsëritur tezën e ekzistences se virusit në vend kohë përpara marsit.
Ata nuk ofenduan, as kërcënuan. Folën profesionalisht.
Por zonja Bino u pickua nga hipoteza dhe provat e shfaqura prej tyre.

Më poshtë është një tekst i shkruar nga Bino në rrjetet sociale.

?Njerëzit mund të bëjnë hamendësime por kur bëjnë disa që e quajnë veten profesionistë në zanatin e tyre kjo më cudit pa masë. Deri më sot nuk kam dëgjuar asnjë opinion nga shoqata të caktuara profesioniste në lidhje me cështje të caktuara të infeksionit të cilat debatohen midis profesiostesh dhe dalin me konkluzione. E kuptoj fare mirë që të gjithë janë infeksioniste, virologe dhe epidemiologe në këtë moment. Sëmundjet infektive janë interesante të bësh opinionistin por kjo vlen për ata që nuk janë profesionistë e jo për ata që e konsiderojnë veten të tillë. Tani duhet të ishte momenti të gëzoheshit që falë një pune të profesionisteve epidemiologë, infesionistë, virologë në Shqipëri nuk ndodhi skenari italian. Bëni vërejtje për të përmirësuar punën tani dhe në muajt që vijnë pasi sfida të reja do të kemi por ruajeni veten pasi mania për protagonizëm ju nxjerr qesharakë në planin profesional pa cka se populizmi do ju mbulojë me lavde të cilat sic ngrihen ashtu dhe bien. Faktet tona nuk dalin në Facebook por atje ku gjykohen më mirë në mjedisin shkencor. Hamendësimet tuaja shkruajini e argmentojini si duhet, botojini në artikuj ndërkombëtare bile me shkalle impakti, sic i thonë atje ku debatohet e vërteta e jo për të çoroditur njerëzit. Besoj se sot duhet t?i gëzohemi jetës me 519 të sheruar, duhet tu themi falemnderit të gjithë ekipit të shërbimit epidemiologjik kudo që me të gjtha mangesitë që kanë berë atë që askush nga ata hamendësues nuk e bëri, të gjithë ekipit të Infektivit që me vetëmohim bëri të pamundurën, për të gjithë ekipin e ISHP që nuk pati kurrë asnjë vonesë dhe testoi natën dhe ditën që rezultatet të jepeshin brenda 24 orëve dhe puna e gjurmimit, hetimit dhe izolimit të ndodhte brenda 24 orëve. Gëzojuni kësaj e falenderoni këtë gjë, kritikat e nevojshme duhet t?i debatojmë nesër pasi vetëm duke i analizuar përmiresohemi por me profesionalizëm dhe jo keqdashësi e mungesë diturish?, shkruan Bino në një postim në rrjetet sociale.

Gjithë sa mjekët thanë duket i ka djegur keq Silva Binos, shefe e Departamentit të Epidemiologjisë dhe Kontrollit të Sëmundjeve Infektive në Institutin e Shëndetit Publik, deri në pikën që pas hartimeve për emocione dhe gëzim që u dashka treguar për fitoret e partisë, sulmon mjekët në mënyrë të paprecedentë dhe flet për ?mungesë diturish? dhe ?çoroditje të njerëzve?.

Grafitë nuk janë të sotmet. Janë të periudhave janar-shkurt. Të atyre periudhave gjatë të cilave vetë Bino deklaronte 11.000 pacientë në javë. Por që për të cilët ajo ish e sigurtë se i kishte zhbiriluar mirë dhe nuk i ngjasonin me covid19.
Mjekët që hedhin hipotezat e ekzistencës së Covid19 shumë kohë përpara marsit të Binos, kanë grafitë si “zhbirilime” të provave për hipotezen e tyre.
Ato grafi i ka zhbiriluar Bino?

Zonja Bino duhet të mendojë seriozisht për situatën e vet profesionale.
Qeveria dhe autoritet janë vënë në qendër të akuzave për fshehje të të dhënave për COVID në vend, ndërsa raportimet e Ministrisë së Shëndetësisë dhe ISHP-së si gjate janar-shkurtit kur flisnin per 11.000 te semure me semundje respiratore, ashtu dhe ne mars-prill kur mezi zhbirilojnë 30 të tilla në javë, kanë shtuar dyshimet se opinioni publik po vijon te mashtrohet me shifra të manipuluara.
Ato shifra rregullisht i ka prodhuar zonja Bino.
Mjekët sot po nxjerrin grafitë.
Zonja Bino sot nxjerr kthetrat.
Një hall e ka dhe ajo!/CNA..al