web counter
LEXO PA REKLAMA!

SHKARKO APP

App Store
Google Play

E fundit!

x

Covidi mund të ketë qenë që në janar në Shqipëri/ Eksperti i Shëndetit Publik: Imazhet flasin për po

2 Maj 2020, 18:29, Lifestyle CNA

Prej disa kohësh janë ngritur aludimet se Covid-19 ka ardhur në vendin tonë që në muajin janar të këtij viti, ndërsa për këtë ka folur edhe eksperti i Shëndetit Publik, Erion Dasho.

Ai tha se duke parë rezultatet e skanerave mund të dyshohet diçka e tillë, por sipas tij nuk mund të përcaktohet se kur ka ardhur me të vërtetë.

“Nga rezultatet e skanerave ne mund të dyshojmë por nuk mund ta përcaktojmë më saktësi se virusi ka ekzistuar në Shqipëri që në janar. Kemi radiologë shumë të njohur dhe të aftë si doktor Renato që ka iniciuar këtë diskutim. Në skanerat e pacientëve të kryer në janar ai ka konstatuar disa imazhe që janë të ngjashme me imazhet që kanë pacientët e konfirmuar si të infektuar me Covid. Imazhet flasin se mund të ketë një histori Covidi që në muajin janar në Shqipëri. Këto nuk mjaftojnë për të konfirmuar diagnozën”, u shpreh ai në Rtv Ora, ndërsa theksoi se konfirmimi bëhet duke kryer analizat serologjike që tregojnë nivelin e antitrupave.

“Konfirmohet vetëm me teste laboratorike dhe janë dy, kur personi është në stadet e para të infektimit është testi me tampon, ndërsa kur personi e ka kaluar sëmundjen është testi serologjik. Personat që u përkasin këto imazhe nëse sot kryejnë testine antitrupave dhe konstatohet se kanë antitrupa anti-Covid ky është faktor që flet që me të vërtetë se infeksioni ka ekzistuar në Shqipëri që në janar. Koha është e mjaftueshme që të jenë zhvilluar plotësisht këto antitrupa”, nënvizoi eksperti i ISHP-së./ CNA.al





Lajmet e fundit nga