Foto-Mjeku publikon faktet/ Covid-19 ka qarkulluar që në janar në Shqipëri, mesazhi për qeverinë

1 Maj 2020, 06:54, Lifestyle CNA

Doktor Gëzim Xhepa, vijon të deklarojë se koronavirusi në vendin tonë ka qarkulluar para muajit mars, kur dhe i identifikua ?pacienti zero?.

Në një postim në rrjetet sociale, Gëzim Xhepa ka publikuar disa foto të siguruara nga imazhëristi, Dr. Renato Osmenaj, i cili identifikoi fizionominë dhe identitetin imazhërik pulmonar të COVID-19.

Sipas Dr. Gëzim Xhepës, këto imazhe janë fakte të pakundërshtueshme të prezencës së COVID-19 në datat 15 – 20 janar, në disa raste në Infektiv.

?Të nderuar miq…!!! Ndonëse prej 6 javësh në median vizive dhe të shkruar, kam hedhur hipotezën dhe argumentet e tërthorta logjike për praninë e coronavirusit në Shqipëri që në muajin shkurt dhe kalimin e pikut të epidemisë para vendosjes së karantinës, gjithnjë më është kërkuar nga skeptikë argumenti faktik, për të cilin kam tre javë që i kërkoj departamentit të imazhërisë të fillojë hulumtimin e imazheve pulmonare të epidemisë Janar – Shkurt 2020…!

Sot, falë mikut dhe kolegut tim të nderuar Dr. Renato Osmenaj…, imazhëristit që ishte i pari, që që javën e parë pas zbulimit të të ashtuquajturit rast 0, identifikoi fizionominë dhe identitetin imazhërik pulmonar të COVID-19… dhe potencën e ekzaminimit CT ndër ekzaminimet e skemës bazë për diagnostikim dhe përcaktim prognose…, mu ofruan imazhe të pakundërshtueshme të prezencës së COVID-19 në datat 15 – 20 janar, në disa raste në Infektiv…!!! ?-shkruan Dr. Gëzim Xhepa.

Më tej, ai thekson se kjo ka ardhur për shkak të kontakteve të ngushta të Shqipërisë me Italinë.

?Dhe s?kishte si të ndodhte ndryshe, kur duam s?duam ne, për komunikimet e ngushta dhe lëvizjet e shumta njerëzore me Italinë e Veriut, Shqipëria mund të kosiderohet lagje e Milanos…!!! ?-shkruan mjeku.

Po ashtu ai ka edhe një mesazh të fortë për Komitetin Teknik por edhe qeverinë, dnërsa kërkon që të bëjnë një strategji të shpejtë të daljes nga izolimi.

?Tani i takon Komitetit të Teknik të marrë serizisht këto fakte, për përcaktimin e një strategjie të qartë dhe të shpejtë zhbllokuese, për kalimin nga izolimi në distancim, duke kthyer në normalitet brenda një edukate distancimi jetën sociale, ekonomike dhe shëndetësore në vend…!!!

Faleminderit Dr. Renato…, jo vetëm për menaxhimin pa panik, por me vigjilencë të situatës së karantinës, nëpërmjet centarlizimit dhe koordinimit nacional imazhërik për suspektim sa më të hershëm të sëmundjes dhe prevenimin e kaosit, që mund të kish shkaktuar strategjia e gabuar e numrit 127…, por edhe për ndihmën që po jep për Komitetin Teknik për konfuzionin në pritjen e pikut epidemiologjik…!!!

Po ju ofroj pamjet imazhërike të pesë rasteve, duke ju kujtuar që janë pronë intelektuale e Dr. Renato Osmani dhe i publikoj me aprovimin e tij, duke mbrojtur të drejtën e tij të autorit…!!!?-përfundon postimin e tij Dr. Gëzim Xhepa./ CNA.al