web counter
LEXO PA REKLAMA!

SHKARKO APP

App Store
Google Play

E fundit!

x

Pipero hedh poshtë teoritë konspirative/ "Covid-19 është i vërtetë, ja nga ka ardhur"

30 Prill 2020, 21:31, Lifestyle CNA

Mjeku i njohur Pëllumb Pipero ka hedhur poshtë teoritë konspirative për koronavirusin që ka marrë mijëra jetë njerëzish.

Teksa u pyet për burimin e këtij virusi, infeksionisti tha se fillimisht mendonte se ka dalë gabimisht nga laboratorët, por tani beson se ka ardhur nga një rezervuar natyror.

“Pa dashur të them ndonjë gjë të madhe, unë kam qenë i pari dhe ndoshta i vetmi që kam ngritur një hipotezë dhe është kjo. Sa kohë nuk kemi një burim natyror të konfirmuar më shkon mendja që mund të jetë një virus i dalë nga laboratori rastësisht. Studime të mëvonshme dëshmojnë se kjo hipotezë nuk qëndron. Tashmë ata janë të sigurtë që burimi i infeksionit është. Tani mendoj se virusi ka ardhur në mënyrë natyrale, nga një rezervuar natyror”, tha ai në emisionin “Opinion”, ndërsa mohoi kategorikisht që Covid-19 të jetë armë biologjike.

“Nga hipoteza se mund të ketë dalë nga laboratori ajo 1% përqind mund të jetë e vërtetë, por që të jetë armë biologjike nuk qëndron. Nuk i plotëson kushtet për të qenë armë biologjike”, theksoi mjeku.

Ndërsa për pyetjen se koronavirusi mund të mos ekzistojë në të vërtetë, Pipero tha: “Pyetni të gjithë ata bluza të bardha që mjekojnë çdo ditë të infektuarit. Është shumë e vërtetë që virusi është prezent dhe është midis nesh. Ka ndikuar shumë në kufizimin e të drejtave dhe lirive por kjo është një gjë e përkohshme”./ CNA.al





Lajmet e fundit nga