web counter
LEXO PA REKLAMA!

SHKARKO APP

App Store
Google Play

Ndryshimet në Kodin Penal/ Meta: Po të mos i dekretoja do kishte deformim, ka keqkuptime

22 Prill 2020, 21:26, Politikë CNA

Presidenti Ilir Meta ka folur për ndryshimet në Kodin Penal që u miratuan në Kuvend dhe më pas u dekretuan nga Kreu i Shtetit, ndonëse ishte aluduar se do të ktheheshin për rishikim.

Meta tha se po të mos i kishte dekretuar mund të kishte një feormim të madh dhe probleme.

“Kishte boshllëk në Kodin Penal për menaxhimin e një situate të tillë. Së dyti, nuk  duhet të harrojmë se ka një përmbysje nga ndryshimet që u prezantuan në Parlament. Këtu nuk bëhet fjala për kënaqësi. Unë si President ishte para dy alternativa të mos i miratoja dhe t’i ktheja në Kuvend, e më pas Kuvendi t’i miratonte sërish që do të ishte një deformim shumë i madh dhe një problem shumë i madh”, u shpreh Kreu i Shtetit në emisionin “Opinion”.

Më tej ai theksoi se dënimi me 15 vite burg për këdo që thyen karantinën dhe shkakton vdekjen e një personi nga koronavirusi është keqkuptim.

“Spekullimet sikur çdo njeri që thyen karantinën do dënohet këto janë përralla dhe keqkuptime të stisura ndoshta me një lloj të drejte. Dënimi shkon për ata që e përhapin me dashje. Ndryshimet janë tërësisht të arsyeshme dhe absolutisht kemi përshkallëzim. Janë respektuar të gjitha standartet”, nënvizoi Meta./ CNA.al





Lajmet e fundit nga