web counter
LEXO PA REKLAMA!

SHKARKO APP

App Store
Google Play

E fundit!

x

"Duhet të jemi vigjilentë"/ Epidemiologu për lehtësimin e masave: Mund të kemi rikthim

20 Prill 2020, 19:07, Lifestyle CNA

Epidemiologu Alban Ylli, ka shprehur qëndrimin e tij për lehtësimin e masave dhe hapjen e bizneseve në vendin tonë.

Ylli tha se të gjithë duhet të kemi kujdes dhe të jemi vigjilent për hapjen, pasi nënvizoi se koronavirusi nuk ka dalë nga qarkullimi.

?Unë besoj se duke parë numrat, situatën dhe nivelet e riskut, është momenti i duhur për të filluar një proces të tillë, por do të doja ta shoqëroja me mesazhin se është ende shpejt për të menduar se ky virus doli nga qarkullimi. Duhet të jemi vigjilentë dhe të kujdesshëm. Të gjithë duhet të vijojnë bashkëpunimin me rekomandimet e dhëna nga autoritetet, në mënyrë që Shqipëria të quhet një histori suksesi në kontrollin e pandemisë?, u shpreh ai në një lidhje me A2, ndërsa theksoi se është plotësisht e mundur që me rihapjen e menjëhershme të kemi një rikthim.

Mjeku tregoi se specialistët e ISHP-së mendonin gjatë muajit prill do të kishim 50 raste të reja, por asnjëherë se do të kishim mbi 100 raste në ditë.

?Virusi në Shqipëri po qarkullon në vatra, nuk ka arritur të shpërthejë në popullatë, prandaj i kemi një pamje më të plotë se çfarë po ndodh. Numri i të shtruarve tregon atë pjesë të pandemisë që është më e fortë dhe kjo në një farë mënyrë tregon se ne ishim të përgatitur për të përballuar 700-800 raste të shtruar. Sistemi ynë shëndetësor është i gatshëm për të përballuar edhe një valë të dytë të kësaj pandemie?, deklaroi epidemiologu, teksa tha se aktualisht situata është nën kontroll.

Sipas tij, kjo vjen si shkak i masave të suksesshme, por edhe nga faktorë të tjerë, siç janë si mosha mesatare e popullsisë, urbanizimi apo imuniteti i popullatës./ CNA.al





Lajmet e fundit nga