E fundit!

22:46 Aktualitet

Pas ndeshjes, protestuesit zhvendosen te selia e PD-së: Opozitë e shitur

Pas ndeshjes, protestuesit janë zhvendosur para selisë së ...

Kisha Orthodhokse jep njoftimin/ Si lyhen vezët e kuqe të Pashkëve

16 Prill 2020, 12:18, Aktualitet CNA

Kisha Orthodhokse Autoqefale e Shqipërisë i tregon besimtarëve se si të lyejnë sonde që është e enjtja e madhe vezët e kuqe të Pashkës.

Kisha deklaron se vezët lyhen për çdo pjesëtar të familjes dhe për disa persona të afërt si edhe një vezë për shtëpinë, e cila duhet mbajtur brenda në shtëpi për 1 vit, deri në Pashkën tjetër.

Në deklaratën e Kishës Orthodhokse thuhet se edhe të shtunën e madhe duhen lyer përsëri vezë të kuqe të Pashkës për konsumim e familjes dhe gjithashtu për t’u dhuruar edhe të tjerëve.

Përbërësit që nevojiten janë bojë ushqimore për vezë që gjendet në kishë, numri i kokrrave të vezëve nga 25 deri në 30 sipas dëshirës, 6 gota ujë të vakët, 1 e gjysmë filxhan kafe uthull cilësore dhe një pecetë e lyer me vaj lulëdielli ose ulliri.

“Lajini mirë vezët që doni të ngjyeni dhe i zieni në zjarr të ngadaltë që të mos hyhen. Në një enë hidhni 6 gota ujë të vakët, uthullën në filxhan, bojën dhe e përzieni shumë mirë. Vendosni vezët e ziera mirë (afërsisht 15 kokrra) në enën me bojën e tretur dhe i lini brenda 3-5 minuta. Në vazhdim i hiqni dhe i lini të thahen. Në të njëjtën bojë vendosni 15 kokrrat e tjera. Në fund i lyeni me një pecetë me vaj që të shkëlqejnë. Mund të bëhet sipas dëshirës në rast se doni të bëni edhe vezë të tjera”, nënvizon në njoftim Kisha.

Sot – të ENJTEN E MADHE – lyejmë një pjesë nga vezët e kuqe të Pashkës. Lyejmë për çdo pjesëtar të familjes dhe për disa persona të afërt si edhe një vezë për shtëpinë, të cilën e mbajmë brenda në shtëpi për 1 vit, deri në Pashkën tjetër.

Të SHTUNEN E MADHE – lyejmë përsëri vezë të kuqe të Pashkës. Lyejmë sa të kemi dëshirë, d.m.th. lyejmë për konsumim të familjes sonë dhe gjithashtu lyejmë për t’u dhuruar edhe të tjerëve.

PERBERESIT që nevojiten:
* Bojë ushqimore për vezë (gjendet në kishë)
* 25-30 kokrra vezë (mund të bëhen edhe më pak në varësi të dëshirës)
* 6 gota ujë të vakët
* 1 e gjysmë filxhan kafe uthull cilësore
* Një pecetë e lyer me vaj lulëdielli/ulliri (sipas dëshirës)

PERGATITJA
– FIGURA 1 – Lajini mirë vezët që doni të ngjyeni dhe i zieni në zjarr të ngadaltë që të mos hyhen.
– FIGURA 2 – Në një enë hidhni 6 gota ujë të vakët, uthullën në filxhan, bojën dhe e përzieni shumë mirë.
– FIGURA 2 – Vendosni vezët e ziera mirë (afërsisht 15 kokrra) në enën me bojën e tretur dhe i lini brenda 3-5 minuta.
– FIGURA 3 – Në vazhdim i hiqni dhe i lini të thahen.
– FIGURA 2 – Në të njëjtën bojë vendosni 15 kokrrat e tjera.
– FIGURA 4 – Në fund i lyeni me një pecetë me vaj që të shkëlqejnë.
– Mund të bëhet sipas dëshirës në rast se doni të bëni edhe vezë të tjera.

/ CNA.al