E fundit!

12:38 Aktualitet

Sloganet kundër në protestë/ Berisha: Janë vegël e opozitës së opozitës

Kryetari i Partisë Demokratike, Sali Berisha, ka deklaruar...

Kuvendi në alarm/ Deputeti i infektuar nga koronavirus, mori pjesë në mbledhjen e Komisionit të Ligjeve

27 Mars 2020, 20:14, Aktualitet CNA

Deputeti i opozitës parlamentare dhe kreu i Ballit Kombëtar, Adriatik Alimadhi ka bërë me dije sot se prej tre ditësh ka rezultuar i prekur nga koronavirusi së bashku me bashkëshorten e tij.

Nëpërmjet një postimi në Facebook, Alimadhi sqaroni se është konfirmuar si i infektuar nga koronavirusi në datën 24 mars.

Por, duke marrë parasysh të dhënat dhe informcionet e mjekëve, virusi futet në trupin e njeriut dhe duhet deri në dy javë para se të shfaqë simptomat e para.

Kështu me një llogari sipas të dhënave që jep deputeti, Alimadhi mund të jetë infektuar rreth datës 10 mars, ditë kohë kur ai ka marre pjesë në komisionin e Ligjeve.

Sipas programit të publikuar në faqen zyrtare të Parlamentit, në datën 10 mars, Komisioni për Çështjet Ligjore ka zhvilluar seancën dëgjimore për raportimin e veprimtarisë të Komisionit Qendror të Zgjedhjeve për vitin 2019.

Kjo mbledhje e Komisonit ku bën pjesë edhe Alimadhi, është zhvilluar mesditën e 10 marsit në orën 12:00.
Mjeket thonë se simptomat shfaqen pas dy javësh, që i bie data 10 mars kur Alimadhi është infektuar që do të thotë ose është infektuar nga të tjerë ose dhe ai vete ka infektuar edhe të tjerë në atë datë e në vazhdim.

Kujtojmë se në Komisionin e Ligjeve ku bën pjesë Alimadhi janë edhe 21 anëtarë të tjerë.

Tashmë minimalisht duhet të kontrollohen dhe testohen ata dhe personeli apo dhe familjarët e tyre edhe pse kanë kaluar dy javë dhe ende nuk ka informacion zyrtar për pesona të tjerë të prekur në Komisionin e Ligjeve.

Por gjithësesi duhet marrë parasysh edhe rasti i personave të infektuar që nuk kanë simptoma.

Ndërkohë në datën 11 mars ka dalë urdhëri për anulllimin e të gjitha mbledhjeve të komisioneve parlamentare.

Tashmë i gjithë Kuvendi duhet të jetë në alarm, pasi ngrihen dyshime se Alimadhi ose është infektuar në Kuvend ose e ka marrë virusin nga aty.

Me shumë gjasa një pjesë e administratës së vendit, përfshirë këtu anëtarët e komsionit, sekretarët mund të jenë prekur nga koronavirusi.

Lajmin për infektimin e Alimadhit e ka bërë të ditur vetë deputeti nëpërmjet një postimi në rrjetet sociale, ku i drejtonte dhe nje mesazh te forte Rames dhe sqaronte gjendjen e tij.

Ndërkohe mësohet se Alimadhi ka vazhduar aktivitetin e tij edhe pas datës 10 mars c?ka mund të ketë sjellë një prekje nga covid-19 në një ambient tjetër./CNA.al

Koronavirusi hyn dhe në Kuvendin e Shqipërisë/ Infektohet deputeti dhe bashkëshortja e tij