Politikë
Zgjidhja/ Si Edi Rama mund të kthejë studentët shqiptarë në shtëpitë e tyre
Dje në mbrëmje në emisionin e Eni Vasilit, pati me dhjetëra apo me qindra pyetje, nga familjarë të shqetësuar për fëmijët e tyre të cilët ndodhen me studime kryesisht në Angli, por ka edhe të tjerë në vendet e tjera të Europës, si Gjermani, Itali etj, dhe kanë ngelur të bllokuar pa ditur se ku të shkojnë.
Së pari, nuk kthehen dot në Shqipëri, sepse fluturimet janë mbyllur. Edhe nga Gjermania, por edhe nga Britania. Mos kthimi në Shqipëri iu ka lënë jo pak pasoja, pasi edhe konviktet e tyre sipas njoftimeve dhe hapave që do të ndërmerren nga qeveritë përkatëse, do të mbyllen. Është tjetër rasti kur jetojnë në shtëpi apo në banesa me qera dhe tjetër kur ata qëndrojnë nëpër konviktet e universiteteve publike apo private.
Janë me disa qindra studentë, të cilët duan të kthehen për shkak të mbylljes së këtyre konvikteve.
Kryeministri dje nuk i dha asnjë zgjidhje, por tha se jemi në një kohë lufte dhe e ka të pamundur të zgjidhë këtë situatë, kur British Airways, i ka ndërprerë fluturimet në Tiranë.
Në fakt, në të gjitha vendet e e Europës, Italia, Gjermania apo vendet e tjera kanë nisur avionët e tyre, pra kompanitë e tyre të fluturimit.
Fatmirësisht, sipas reklamës së bërë kohët e fundit, del se Shqipëria e ka një kompani fluturimesh që quhet Air Albania, e cila ka edhe një avion, “Ismailin”, të cilin Zoti Rama e përdorte për fluturimet e tij personale, muajt e parë të vitit kur mori drejtimin e OSBE-së. Pse nuk e çon Zoti Rama këtë avion në Londër? Pse nuk bëhet një grumbullim i studentëve që duan të kthehen në Shqipëri nga Gjermania apo diku tjetër, nëpërmjet kompanisë “Air Albania”, me kostot e shtetit shqiptar?
E në rast se qenka e vështirë të çojë Air Albanian, pse kaq problem është për shtetin shqiptarë të marrë një charter 50 mijë euro, për të sjellë fëmijët apo studentët shqiptarë nga rrugët e Europës?
Çdo hap që po hidhet në lidhje me masat për koronavirusin në Europë, është mbyllja. Pra, ka filluar edhe Anglia në qasjet e saj të bëjë mbylljet e ambienteve publike, të shkollave dhe të universiteteve. Gjithçka është duke e mbyllur. Duhet bërë kthimi i studentëve në Shqipëri, pasi në vendet e Europës do ta kenë shumë të vështirë. Duke qënë se konviktet e tyre do të mbyllen, ku do të flenë? Rrugëve?
Fluturime nuk ka, prandaj përgjegjësia i bie qeverisë. Avionin të mos e përdorë të fluturojë për vete Edi Rama, por t’ua dërgojë studentëve në Angli, në Gjermani apo kudo ndodhen ata, për t’i kthyer në vendin e tyre.
Qeveria e përgjegjshme, gjithmonë duhet të mbajë përgjegjësi për qytetarët e saj. Dhe të tregojë angazhimin që ka.
Zgjidhja e një situate që ka ndodhur dje me një kompani ajrore private është diçka tjetër dhe është krejtësisht diçka tjetër kur shtetasit shqiptarë ngelen të bllokuar, dhe duhet që shteti të paguajë avionë për të rikthyer shqiptarët në shtëpitë e tyre.
Ajo që ka bërë dje Edi Rama është një gënjeshtër publike, kur tha se qeveria nuk ka mundësi.
Qeveria ka me dhjetëra mundësi ta zgjidhë, por mungon vullneti dhe asgjë më shumë sesa kaq./ CNA.al
Politikë
Kryemadhi akuza Veliajt/ Po tenton të blejë njerëzit e LSI, i josh me punësime në Bashki
Kryetarja e LSI-së Monika Kryemadhi gjatë një takimi me disa banore te kryeqytetit hodhi akuza ndaj Bashkisë së Tiranës, se po tentojnë të blejnë njerëzit e LSI-së.
Gjatë fjalës së saj, Kryemadhi akuzoi drejtpërdrejt Erion Veliajn duke thënë se ai tentoi të blejë ish-deputeten Silva Caka.
“Dje kemi qeshur dhe kemi lluar të bëjmë barcaleta tashmë sepse ju janë turrur të gjithë njerëzve që janë protagonistë apo individë të LSI apo LRI dëgjojmë dhe qeshim nga ana tjetër e telefonit sesi drejtorë të bashkisë marrin dhe ju premtojnë vende punë anëtarëve të LSI për t’i futur në Bashkinë e Tiranës.
Ose më qesharakja është sesi Lali Eri fton Silva Cakën, deputeten e LSI, dmth janë këto janë banalitete që gjejnë vemje politike të cilat faktikisht Shqipëria për hir të së vërtetës e ka këtë defekt.
Dhe gjithmonë duhet rigjenerimi, rifreskimi i klasës politike për të sjellë njerëz të rinj, gura të reja dhe çdo konsumim politik që vjen të cilët faktikisht i kanë dhënë kosto politike grupeve të caktuara politike apo njerëzve të caktuar. Kjo është demokracia”, tha ajo./CNA.al
Politikë
Horror në Presidencë/ Ilir Meta kërcënon dhe intimidon verbalisht Silva Cakën
Largimi i emrave me peshë nga LSI që i janë bashkuar PS kanë sjellë panik për degradimin e partisë së Ilir Metës.
Gazetari Bledi Mane ka nxjerrë detaje nga këto lëvizje, duke u shprehur se presidenti Ilir Meta ka nisur kërcënimet dhe intimidimet verbale ndaj ish deputetes Silva Caka, pasi kjo e fundit i ka vënë në dukje degradimin e LSI.
Mane shprehet se LSI do i largohet një tjetër emër në 14 shkurt, dhe ai është Edmond Haxhinasto i cili është deleguar në Njësinë 4.
Postimi i plotë i Bledi Manes:
Mesditën e së martës shërbimi i sigurisë së Gardës së Republikës brenda Presidencës, njoftoi urgjentisht komandën qëndrore për një incident që ndodhte ndërkohë. Nga brenda zyrës së Presidentit Ilir Meta vinin klithmat dhe ulërimat e frikshme të një burri që shoqëroheshin me qarjen dhe refuzimin e një zëri femëror. Ndërkohë në protokollin e vizitorëve të Presidentit gjendej i shënuar vetëm emri i ish deputetes së LSI-së Silva Caka.
Zonja në fjalë ishte thirrur nga Ilir Meta urgjentisht dhe po i kërkohej llogari pse nuk pranonte të punonte e të kandidonte në Njësinë Nr.4 në kryeqytet. Situata po agravohej dhe Ilir Metës po i linin nervat. Iu turr në mënyrë kafshërore një femre duke e fyer, poshtëruar e kërcënuar.
Pavarësisht degradimit presidencial, ashtu stoike ish deputetja Caka ia qartësoi prerë Ilir Metës se partia e LSI po degradonte dhe shumë zëra dhe shumë emra të arsyeshëm po i largoheshin.
Pas Nasip Naços, Lefter Kokës, Aleksandër Lipivanit, Gledjon Rehovicës, Silva Cako është një tjetër poltikane e re që nuk gjen dot veten në partinë familjare Meta. Ndërkohë në Njësinë 4 është deleguar Edmond Haxhinasto i cili sipas grafikut pritet të largohet nga LSI-ja më 14 shkurt./CNA.al
Politikë
Topalli reagon për videon e Ramës/ Ata të tre janë bashkë!
Drejtuesja e Lëvizjes për Ndryshim, Jozefina Topalli ka akuzuar krerët e tre partive politike në vend, duke u shprehur se ata janë bashkë dhe duan të mbrojnë interesat e tyre.
Përmes një postimi në rrjetin social Facebok, Topalli ka reaguar ashpër ndaj kreut demokrat Lulzim Basha, duke theksuar se ai është një gënjeshtar dhe ka hyrë në politikë për të mbrojtur interesat e tij personale dhe ekonomike.
Sipas saj, Basha është armiku më i madh i demokratëve, duke shtuar se i qëndron të gjitha deklaratave që ka bërë më herët dhe bindjes së saj se kreu i PD nuk përfaqëson asnjë gjë në tregun shqiptar.
“Kur nxjerr Jozefinen ne instagram ka hallin e tij. Kur del ne RTV ka hallin e te treve! Ata jane bashke. Te tre jane bashke! Qe Lul Basha eshte genjeshtar, kete tashme nuk ka shqiptar qe nuk e ka kuptu!
Qe Lul Basha ka ardhur qe diten e pare me agjende ekonomike personale, kete e kam patur bindje qe diten e pare qe e kam njoft! Qe Lul Basha eshte armiku me i madh i demokrateve per shkak te asaj qe ben, por edhe mediokritetit te atyre qe arrin te artikuloje publikisht, kete nuk ka mbetur meme pa e zberthyer! I kam thene, u qendroj dhe do i qendroj çdo sekonde, bindjes sime për çka perfaqeson Luli Basha ne tregun shqiptar”, shkruan Topalli.
Drejtuesja e Lëvizjes për Ndryshim rikujtoi deklaratën e pak ditëve më parë që ajo bëri për përgatitjen e Dushkut 2021, duke theksuar se Rama e ka nxjerrë në Instagram pasi ka hallin e vet dhe ka lënë vetëm sekuencat që janë thënë për Bashën.
Për Topallin, Rama, Basha dhe Meta janë bashkë dhe po përgatiten që të manipulojnë zgjedhjet e 25 prillit.
“Por vini re me kujdes. Diten qe Jozefina Topalli akuzon treshen per pergatitjen e Dushkut2021, kryeministri zgjedh te zgjedhë per instagramin e vet veç sekuenca te asaj qe ka thene Jozefina Topalli per Lulzim Bashen.
Une keto dite argumentova rikthimin e Dushkut si fenomen (kesaj rradhe opozitar) qe synon manipulimin e zgjedhjeve nepermjet deformimit te dispozitave te Kodit Zgjedhor. Argumentova pse dhe shpjegova se si kjo mund te ndalet sot në KQZ, nëpermjet KQZ dhe nga tavolinat e KQZ. Une thashe sic kam thene gjithmone qe ATA TË TRE JANE BASHKË.
Qe ata te tre jane bashke e kam thene edhe ne ate interviste te cilen e paska degjuar Zoti Rama (derisa i paska pelqyer çka un kam thene e perseritur aty per Luli Bashen). Ajo interviste eshte dhene kohe me pare e nuk i paska shpetuar vemendjes e as qenka fshire nga kujtesa e Kryeministrit”, shkruan Topalli.
Drejtuesja e Lëvizjes për Ndryshim shtoi më tej se kryeministri Edi Rama ka bërë investimin më të mirë kundër demokratëve dhe për të qëndruar në pushte, duke zgjedhur Bashën.
“Rama e gjeti dhe zgjodhi qe ta publikonte si sekuence ne instagramin e vet, tamam diten kur une zgjodha te flas publikisht per Dushkun2021! Sepse kur Rama zgjedh te dashur miq, di cfare zgjedh! Rama ka zgjedhur! Rama zgjedh Luli Bashen!
I duhet Lul Basha, sepse Luli Basha eshte investimi me i mire i Rames kundra demokrateve. Te dashur miq demokratë dhe shqiptare te mire kudo ku jetoni! Mos e keqkuptoni Ramen kur “zgjedh” t’ju bëjë te degjoni Jozefina Topallin nga instagrami i tij, nuk e ben ngaqe vlereson Jozefina Topallin. Nuk e ben per ju”, tha ajo.
Topalli tha se nën qeverisjen e Ramës Bashës i janë shtuar vilat dhe i kanë lulëzuar bizneset e kunatit të tij, duke shtuar se kryeministri po bën atopolantin e saj pasi ka hallin e vet.
“Kunati i Shokut Xhemal, Lulëzoi “bizneset” ne kohen e Rames. Me ndihmen e Rames dhe nen vezhgimin e sigurte te Rames kane Lulëzuar vilat e tij me gjith kunat. “Opozita” e lulezimit sponsorizohet rregullisht nga maxhoranca Rama!
Ndaj kujdes! Nuk e ben per ju, kur zgjedh qe instagrami i vet, te flase me zerin dhe imazhin e Jozefina Topallit. Kuptojeni mire! Kur ben altoparlantin e Jozefines, ka veç hallin e vet.
Per hallet e treshes, ka RTV. Atje del rregullisht dhe i ve ata dy tjeret qe te shohin vete dhe degjojne live, se si gjithe ministrat i raportojne e shpjegojne se sa mire po u ecin investimet. Ata te tre jane bashke”, shkruan Topalli./CNA.al
Lajme të Rekomanduara:
53 emrat e listës fituese të Lulzim Bashës
Lulzim Basha po paraqet ditë pas dite listën e tij të kandidatëve fitues në zgjedhjet e 25 prillit. Fiton apo jo opozita, Luli çdo ditë...
Zbulohet kandidatja surprizë e Lulzim Bashës
Partia Demokratike, duket se ka vendosur të na surprizojë edhe këtë herë me kandidatët e saj për zgjedhjet e 25 prillit. Bëhet fjalë për një...
