LEXO PA REKLAMA!

SHKARKO APP

“Laj gojën kur flet për rraqet e Teatrit”/ Neritan Liçaj shpërthen në akuza ndaj Maznikut: Palaço, je objekt hetimi

26 Shkurt 2020, 16:40, Aktualitet CNA

Nënkryetari i Bashkisë së Tiranës, Arbër Mazniku, deklaroi, pak më herët, se Bashkia do ta vazhdojë projektin për ndërtimin e teatrit të ri, pasi, sipas tij, është mëkat i madh që në mes të Tiranës të ketë një vend me rraqe dhe me sende të vjetra.

Pas këtyre deklaratave, ka ardhur menjëherë dhe reagimi i aktorit Neritan Liçaj.

Në një lidhje për TV “News 24”, Liçaj ka shpërthyer në akuza ndaj Maznikut teksa e quajti këtë të fundit të “pafytyrë” duke i kërkuar të lajë gojën para se të flasë për rraqet e Teatrit Kombëtar.

?E njoh që kalama Maznikun dhe të katandiset në këtë derexhe. Nuk tha asgjë, u përpëlit. Një gjë ia kërkoj atij palaços Maznikut të lajë gojën kur flasin për rraqet e TK. Ra e gjithë propaganda e ndyrë se teatri do bjerë. Të kenë kujdes se ata janë objekt procesi penal. Të kërkojë ndjesë ai i pari. Rraqe e plehra nuk është fyerje për ata që njerëz që kanë derdhur djersë? Rraqe e plehra ku ka luajtur Sandër Prosi, ku kanë derdhur djersë gjithë ata gjigandë, rraqe e plehra ai i pafytyrë.

U ka ngelur sharra në gozhdë, i dinë ata pazaret e tyre. Këta zotërinj shkelën kushtetutën në 6 nene për atë ligj për TK. Këta kanë bërë të pabërë me TK dhe ju më thoni mua të mos i fyej?! Kemi dy vjet në rrugë dhe ai thotë rraqe e plehra. Ka punuar ajka e aktorëve dhe regjisorëve shqiptarë.

Ne e kemi rijetuar atë Teatër dhe e kemi kthyer në qendër kulturore në Shqipëri. Sado të spërdridhet Mazniku, si mund të mos revoltohem unë, kam 23 vjet që e laj me djersë e kush flet Mazniku që është objekt hetimi?, deklaroi Liçaj./CNA.al

 

Lajmet e fundit nga