E fundit!

19:42 Aktualitet

52 ditë protestë kundër qeverisë/ Qytetarët marshojnë drejt Kryeministrisë

Në sheshin “Skënderbej” janë grumbulluar qytetarët për pro...

Arrestimi i biznesmenit/ Dhoma e Tregtisë Lezhë: U thirr për takim dhe i vunë prangat

25 Shkurt 2020, 10:47, Aktualitet CNA

Dhoma e Tregtisë në Lezhë ka reaguar përmes një postimi në rrjetet sociale për arrestimin e kryetarit Pashk Palokaj.

Ndërsa shpreh indinjatën për mënyrën sesi po abuzohet me biznesmenët e ndershëm, ajo thotë se për rastin për të cilin akuzohet Palokaj ka një zinxhir hallkash përgjegjëse deri te Palokaj.
Dhoma e Tregtisë Lezhë e cilëson arrestimin e Palokaj një kurth. Sipas saj, sipërmarrësi ishte ftuar për takim dhe më pas i janë vënë prangat.

?Dhoma e Tregtisë Lezhë shpreh indiniatën më të thellë për menyrën si po abuzohet me sipërmarrësit e ndershëm. Ngjarja e ndodhur në datë.16.06.2019 mbi rënien nga skela të ndjerit M.Sh nuk i përket përgjegjësisë ligjore të ndërtuesit por të nënkontraktorit. Edhe në rast se do të ishte e tillë, shoqëria gëzon drejtues teknik dhe të tjerë përgjegjës të drejtpërdrejtë të kësaj ngjarje.
Pa njoftim, pa vendim të komunikuar, në mënyrë kurthi (ftohet për takim), dhe i vënë prangat ndërtuesit, sipërmarrësit, Kryetarit të Dhomës së Lezhës në pabesi dhe në thyerje të drejtpërdrejtë të të drejtave të njeriut dhe të drejtes që i ofron ligji. Ku po shkojmë o Shteti i së drejtës që çdo ditë e më shumë nuk je i tillë. U rrëzuan pallatet si të ishin kështjella prej rërë në Durrës dhe kush e pësoi???(disa fatkeq) Kjo eshte reformation ne drejtesi?, thuhet në reagimin e Dhomës së Tregtisë, Lezhë.

Biznesmeni Palokaj u arrestua sot me urdhër të Prokurorisë pas hetimeve të kryera për vdekjen e një punëtori në muajin gusht 2019 tek pallati që ai po ndërtonte në lagjen ?Bësëlidhja? të Lezhës.
Ai akuzohet për ndërtim pa leje, mos zbatimi i rregullave të sigurisë në punë dhe punësim i paligjshëm./CNA.al