web counter
LEXO PA REKLAMA!

SHKARKO APP

App Store
Google Play

29 vite nga Lëvizja Studentore/ Malltezi thirrje qytetarëve: Hoqëm Ramizin, erdhi djali i Kristaqit

20 Shkurt 2020, 20:32, Politikë CNA

Anëtari i Kryesisë së PD dhe njëherazi ish student i Lëvizjes së Dhjetorit ’90, Jamarbër Malltezi, foli mbrëmjen e sotme në konkursin Mbarëkombëtar për Monumentin e Lëvizjes Studentore dhe Qytetare për Demokraci, që u zhvillua në sheshin para Teatrit Kombëtar.

Malltezi kujtoi rrëzimin e bustit të diktatori Enver Hoxha, ndërsa ngriti akuzat se qeveria Rama ka ndërtuar vetëm bunkerë dhe ka taksuar qytetarët sa frëngu pulën. Sipas tij, ky është një rikthim i simboleve të diktaturës.

?Shyqyr që asokohe nuk na tregoi njeri se vërtet do e rrëzonim diktaturën dhe Ramizin, por pas 30 vitesh do kishim në krye djalin e Kristaqit, se ka rrezik do na kishin ikur të gjithë nga sheshi dhe do kishin thënë ?më mirë të kesh për diktator Ramizin sesa djalin e Kristaqit që është i lidhur me bandat dhe drogën?. Shqipërinë nuk e kemi si Evropa, bijtë kanë zëvendësuar etërit në krijimin e një diktature: jemi vendi i vetëm në planet pa gjykata, ku emëruesi i prokurorëve dhe inspektori i gjyqtarëve janë vëllezër apo kunetër të ministrave të çunit të Kristaqit?, u shpreh ai dhe i kërkoi qytetarëve të ngrihen kundër kryeministrit Edi Rama.

?Ngjashëm si para 30 vitesh, ne si qytetarë të lirë duhet të ngrihemi kundra diktaturës së krimit të organizuar dhe korrupsionit. Nuk është zgjidhje ikja, eksodi, shpopullimi i këtij vendi të bekuar nga Zoti. Sa kohë të ketë diçka për të vjedhur Edi Rama do vijojë të qëndrojë qoftë edhe si gjenerali i ushtrisë së shpirtrave të ikur. Ne duhet të përballemi me të keqen dhe jo të ikim. Përndryshe e keqja do vijojë të vjedhë, të vrasë, të drogojë shoqërinë dhe monopolizojë mediat duke sajuar lajme të rreme mbi realitete virtuale pa lidhje me të vërtetat e hidhura me të cilat çdo shqiptar përballet?, theksoi demokrati.

Malltezi deklaroi ndër të tjera se së bashku me qytetarët do t?ja dalin të përballen me çdo sfidë dhe ta bëjnë Shqipërinë si europa./ CNA.al





Lajmet e fundit nga