web counter
LEXO PA REKLAMA!

SHKARKO APP

App Store
Google Play

E fundit!

x

Vrasje dhe trafikim/ Publikohen emrat dhe fotot, kush janë tre të rrezikshmit në “shënjestren” e policisë

15 Shkurt 2020, 10:30, Kronika CNA

Policia e Shtetit ka publikuar sot emrat dhe fotot e tre personave të radhës, të cilët do të jenë objekt i punës së Njësisë së Kërkimit

Bëhet fjalë për shtetasit Flamur Ndino, Misir Tare dhe Besnik Coka.

Sipas uniformave blu, Flamur Ndino është i dënuari me burg përjetë, pasi në datën 4 qershor 1995, në qytetin e Fierit, në bashkëpunim me shtetas të tjerë, ka rrëmbyer me qëllim trafikimi fëmijën e mitur J. L., 3 vjeç, banues në Fier.

Shtetasi Flamur Ndino është dënuar me burgim të përjetshëm, nga Gjykata e Rrethit Gjyqësor Durrës, për veprën penale “Rrëmbimi i fëmijës, i kryer në bashkëpunim”.

Ndërsa i dënuari me burg përjetë Misir Tare, në datën 30 maj 1993, në fshatin Pashalli, Berat, ka kryer vrasjen e shtetases L. T, bashkëshortja e tij dhe të prindërve të saj, shtetasit Xh. D dhe A. D.

Misir Tare është dënuar me burgim të përjetshëm, nga Gjykata e Rrethit Gjyqësor Berat, për veprën penale “Vrasja e trefishtë”.

Po ashtu policia bën të ditur se Besnik Coka, është i dënuar me 25 vjet burg, pasi akuzohet se në datën 25.08.1997, në vendim e quajtur “Ura e Setës”, në Dibër, shtetasi Besnik Coka, në bashkëpunim me persona te tjerë, ka vrarë shtetasin M. K. (punonjës policie).

Besnik Coka është dënuar me 25 vjet burg, nga Gjykata e Rrethit Gjyqësor Dibër, për veprat penale ?Vrasja me paramendim? dhe ?Armëmbajtja pa leje?.





Lajmet e fundit nga