Koronavirus!/ Shkurtohet PBB-ja e Kinës në vitin 2020 në 5%

7 Shkurt 2020, 13:06, Ekonomi CNA

S&P shkurton PBB e Kinës në 5 % si vlerësim për 2020, krahasuar me parashikimin e mëparshëm prej 5.7%, për shkak të pasojave të rënda të epidemisë që ka përfshirë zonën e Wuhan nga Coronavirus.

?Impakti më i madh i Coronavirus do të regjistrohet në tremujorin e parë të këtij viti dhe rimëkëmbja e Kinës do të jetë më e fortë nga tremujori i tretë i këtij viti?-tha Shaun Roache, ekonomist në Apac pranë S&P.

Agjencia e vlerësimit rishikoi me rritja vitin e ardhshëm, sipas saj PBB-ja do të rritet 6.4%, krahasuar me vlerësimin e mëparshëm prej 5.6% për Kinën.

Toyota shtyn rifillimin e prodhimit në Kinë

Prodhuesi automobil japonez Toyota sot njoftoi një vonesë të re një javore në rifillimin e prodhimit nga fabrikat e saj në Kinë, e pezulluar tani deri më 16 shkurt, për shkak të epidemisë së koronavirusit që po përhapet në të gjithë vendin. ?Ne kemi vendosur të ruajmë pezullimin e të gjitha fabrikave të Toyota në Kinë deri në 16 shkurt,? tha një zëdhënës i grupit për AFP.

Banka Popullore e Kinës: ?Epidemia nuk do të ndikojë në ekonominë në planin afatgjatë?

Kina po shqyrton masa të mundshme për të lehtësuar goditjen e shkaktuar nga epidemia e koronavirusit që pritet të shkaktojë dëme të përkohshme në ekonomi. Pan Gongsheng, zëvendës guvernatori i Bankës Popullore të Kinës (PBOC) tha: ?Epidemia koronavirus do të jetë e përkohshme dhe nuk do të ndikojë në përmirësimin afatgjatë të ekonomisë kineze?.
Analistët thonë se rritja e PBB-së kineze ka të ngjarë të ngadalësohet në 5% këtë vit për shkak të shpërthimit të virusit, me shumicën e efekteve të ndjera në tremujorin e parë. Më pas, rritja e PBB-së së vendit duhet të rikuperohet fuqimisht. Qeveria kineze, ndërkohë, ka kërkuar nga bankat të ofrojnë kredi me norma më të ulët se 1.6% për kompanitë që ofrojnë mallra dhe shërbime.

Xi-Trump-it: I sigurt për kontrollin e epidemisë

Presidenti Xi Jinping pati një bisedë telefonike me Presidentin amerikan Donald Trump, ?me kërkesë? të këtij të fundit, vuri në dukje media e Pekinit, duke u përqëndruar kryesisht në shfaqjen e koronavirusit në Wuhan. Televizioni shtetëror CCTV raportoi se Xi përsëriti se Kina ka ?besim të plotë dhe aftësi për të kapërcyer epideminë Coronavirus dhe se tendenca pozitive e ekonomisë në planin afatgjatë termi ?mbetet e pandryshuar?.

Xi u kërkoi SH.B.A.-së ?të përgjigjen në mënyrë të arsyeshme? ndaj urgjencës së shkaktuar nga epidemia e koronavirusit në Wuhan. Sipas mediave zyrtare kineze, udhëheqësit ranë dakord për nevojën për të vazhduar zbatimin e fazës një të marrëveshjes tregtare të nënshkruar në Uashington në 15 janar, duke u zotuar të mbajnë kanale të hapura në frontin e komunikimit dhe bashkëpunimit.

636 të vdekur, 31 161 të infektuar

Numri i vdekjeve nga koronavirusi është aktualizuar në 636 nga Komisioni Kombëtar i Shëndetit Kinez.

30,000 rastet pozitive në Kinë gjithashtu janë tejkaluar. Aktualisht janë infektuar 31 161. Provinca më e prekur mbetet ajo e Hubei, e cila ka regjistruar 69 viktima të reja në 24 orët e fundit. Nga të infektuarit, 4,800 janë në gjendje të rëndë./Monitor