web counter
LEXO PA REKLAMA!

SHKARKO APP

App Store
Google Play

E fundit!

x

Basha, letër kryeministrit të Kroacisë/ “Ju jam mirënjohës për mbështetjen që më keni dhënë”

20 Janar 2020, 17:42, Politikë CNA

Kryedemokrati Lulzim Basha, ka bërë publike letrën dërguar më 14 janar kryeministrit të Kroacisë, Andrej Plenkoviç për marrjen e drejtimit të Presidencës së Bashkimit Europian.

Teksa e ka cilësuar si një ngjarje historike, Basha garanton kryeministrin e Kroacisë, Andrej Plenkoviç se ai dhe opozita në Shqipëri do të bëjnë gjithçka për të ndihmuar procesin e integrimit europian.

“Presidenca kroate e BE, është një arritje të cilën ne, në Shqipëri, e vlerësojmë shumë, ashtu si edhe rajoni. Kam bindjen e plotë se nën drejtimin tuaj të Presidencës, proceset integruese për Shqipërinë dhe vendet e Ballkanit Perëndimor, do të avancojnë edhe më tej.

Ju jam shumë mirënjohës për mbështetjen që më keni shprehur për Shqipërinë gjatë takimit që patëm Nëntorin e shkuar.

Prioritetet tuaja në krye të BE-së janë shpresëdhënëse dhe shtysë për mua që të bëj çdo gjë që mundem në emër të Partisë Demokratike dhe opozitës shqiptare, që të avancojmë procesin e integrimit në BE, pa vonesa të mëtejshme, siç përcaktohet edhe në kushtet e Bundestagut. Edhe pse marrja e Presidencës Kroate po ndodh në momente sfiduese, jam i bindur se ju do t?i përmbushni prioritetet duke qenë edhe njëherë një shembull i shkelqyer për ne”, përfundoi Basha./CNA.al

 





Lajmet e fundit nga