E fundit!

22:46 Aktualitet

Pas ndeshjes, protestuesit zhvendosen te selia e PD-së: Opozitë e shitur

Pas ndeshjes, protestuesit janë zhvendosur para selisë së ...

Fshehu vilën në Gjirin e Lalzit?/ SPAK të hetojë Lleshajn

9 Janar 2020, 09:21, Kronika CNA

Prokuroria e Posaçme Antikorrupsion pas hapjes së faqes zyrtare ka ftuar qytetarët që të denoncojnë zyrtarët e korruptuar.

Ndërkohë në duart e prokurorëve të posaçëm po dorëzohen të gjitha dosjet që kanë të bëjnë me korrupsionin e zyrtarëve të lartë dhe ato për krimin e organizuar.

Prokurorët e SPAK mund të hetojnë që nga Presidenti, Kryeministri, ministri, deputetët e deri tek drejtuesit dhe zyrtarët e lartë të institucioneve të tjera në varësi të Qeverisë ose jo.

CNA.al ka denoncuar në vijimësi për ministra, deputetë, prokurorë, gjyqtarë dhe zyrtarë të tjerë të cilët dyshohen se kanë krijuar pasuri në emër të korrupsionit.

Njëri prej tyre është edhe Ministri i Brendshëm Sandër Lleshaj.

Një vit më parë CNA.al raportoi, se dyshohet që Lleshaj të ketë fshehur një vilë që ndodhet në një nga resortet turistike në Gjirin e Lalzit.

Bëhet fjalë për një pronë, apartament duplex me sipërfaqe 120 m2, në një godinë me dy kate me sipërfaqe totale 480 m2, me një vlerë përreth 150 mijë euro.

Prona në fjalë nuk gjendet e pasqyruar në deklaratat që ministri Lleshaj ka dorëzuar pranë ILDKPKI-së.

CNA.al, ka verifikuar deklarimet e pasurisë, sipas të dhënave ye ILDKPKI ?së, nga viti 2006 deri në vitin 2017 dhe një pronë e tillë nuk rezulton e deklaruar.

Sipas deklaratës së pasurisë, më vitin 2006, Lleshaj ka marrë një kredi për shtëpi, 120 0000, por nuk e thotë adresën, qytetin se ku e ka blerë.

Gjithashtu në vitin 2008 ai ka deklaruar një tjetër kredi të marrë nëpërmjet Ministrisë së Mbrojtjes në shumën 500 000 lekë, po për shtëpi. Por edhe në këtë rast nuk e thotë adresën, qytetin ku ndodhet shtëpia.

Janë këto të dhëna, që nëse vërtet SPAK pretendon se do të çojë para drejtësisë qeveritarët e dyshuar për korrupsion, mund të niste hetimet.

Në sistemin e vjetër gjyqësor, zyrtarët e nivelit të lartë të korruptuar dhe bosët e krimit të organizuar nuk janë prekur për një sërë arsyesh që lidhen me korrupsionin e njerëzve të drejtësisë apo edhe me kërcënimet ndaj tyre.

Sot, SPAK e ka rastin të tregojë se kanë përfunduar ato kohë dhe se askush nuk është i paprekshëm./CNA.al

Ministri i Brendshëm përfshihet në skandal/ Fshehu një vilë në Gjirin e Lalzit?