E fundit!

09:27 Kronika

E rëndë në Korçë, 66-vjeçari i jep fund jetës

Rreth orës 08:40, në lagjen nr. 10, Korçë, një automjet ti...

Zbulohen të tjera detaje nga ekzekutimi i biznesmenit/ Ekzekutori qitës profesionist, u maskua si femër

8 Janar 2020, 11:18, Kronika CNA

Të tjera detaje kanë dalë në dritë në lidhje me vrasjen e biznesmenit, Kastriot Reçi, një ditë më parë në Rrëshen.

Gazetarët e ?AbcNews? , duke iu referuar burimeve nga grupi hetimor, raportojnë se mendohet se ekzekutori është qitës profesionit dhe i stërvitur mjaft mirë, ngjashëm me komandot e ushtrisë dhe policisë që qëllojnë me snajper në distancë.

Gazetari Gjergj Figuri në një lidhje direkte nga vendi i ngjarjes në Rrëshen, tha se ?Kastriot Reci është qëlluar me snajper me një plumb të vetëm. Autori ka qenë i mirëmaskuar, i veshur si femer me fustan dhe me paruke. Ai ka përfituar nga fakti se pallati nga ku është kryer krimi është shpallur i pabanueshëm për shkak të termetit. Nga burimet e grupit hetimor mësohet se autori është ngjitur nga shkallët dhe ka hyrë në një banesë të boshatisur në katin e parafundit. Nga dritarja ka qëlluar me precizion të lartë drejt objektit, duke e goditur me plumb në kraharor. Ekzekutori ka dashur të vrasë vetëm Kastriot Reçin dhe madje ka shmangur plumbat ndaj vëllait të Reçit i cili ka kaluar në të njëjtën rrugë, vetëm 3 minuta më parë. Policia ka gjetur maskën të hedhur në rrugën që të çon në fshatin Perlat. Hetuesit kanë sekuestruar edhe kamerat e sigurisë të bizneseve në rrugët e qytetit për të parë lëvizjet e autorit?.

Ndërsa gazetari i kronikës në Abc News, Andi Qosja raporton nga Drejtoria e Policisë.

Qosja shprehet se ?autori është qitës profesionist! Edhe pse ka mobilizim total të forcave të policisë ngjarja është e vështirë të zbardhet. Ekzekutori ka patur një goditje të saktë në drejtim të objektit. Ai klasifikohet si qitës profesionist dhe vlen për tu theksuar se e ka studiuar mirë zonën, më pas ka goditur me prezicion nga 200 metra largësi. Sipas burimeve policore ai ka vepruar i vetëm, pra nuk ka pasur persona të tjera mbështetës në qytetin e Rreshenit. Materialet e gjetura janë çuar në laboratorin e kriminalistikës për të ekzeminuar ADN-në?.