web counter
LEXO PA REKLAMA!

SHKARKO APP

App Store
Google Play

E fundit!

x

Përgjimet e Bild/ Krahu i djathtë i Kryemadhit kërkon reagimin e SPAK-ut

5 Janar 2020, 16:45, Politikë CNA

Nënkryetari i LSI-së Petrit Vasili ka fajësuar sërish kryeministrin Edi Rama për krizën në vend, për papunësinë dhe për largimin e të rinjve.

Vasili tha se i çmenduri politik, duke iu referuar Ramës, e cilëson qeverinë dhe pushtetin si pronë private.

Nënkryetari i LSI-së deklaroi se nuk ka besim te strukturat e drejtësisë dhe te SPAK-u do të krijojë besim vetëm nëse heton për përgjimet e publikuara nga media gjermane ?Bild? gjatë vitit 2019.

?Më ka pyetur një gazetar që a beson tek SPAK dhe i kam thënë se besoj në rast se SPAK merret me përgjimet që janë publikuar nga BILD, ku janë përfshirë politikanë, janë përfshirë shefa policie, të gjithë zyrtarët e lartë të shtetit që bashkëpunojnë me krimin. Kur të veprojë drejtësia në këto raste, atëherë do besoj i kam thënë. Kemi parë se vota shitet e blihet dhe pa i dhënë zgjidhje kësaj, nuk mund të vazhdohet tutje. Bundestagu i ka vënë vulën krizës në vend?, tha Vasili në rubrikën ?Opinion? në News 24.

Në fakt duket paksa paradoksale që krahu i djathtë i Monika Kryemadhit të kërkojë llogari për blerjen e votave, kur LSI akuzohet si partia që ka blerë më shumë vota./ CNA.al





Lajmet e fundit nga