web counter
LEXO PA REKLAMA!

SHKARKO APP

App Store
Google Play

Vrau 230 mijë njerëz/ 15 vjet nga dita e cunamit

26 Dhjetor 2019, 09:36, Kosova & Bota CNA

Si sot 15 vjet më parë, me datën 26 dhjetor të 2004, Oqeani Indian dëshmoi një tërmet intensiv me madhësi 9.1 ballë nën det, duke shkaktuar një cunami me dallgë që mbërriten deri në 30 metra lartësi.

Fuqia e tërmetit që shkaktoi cunamin, mendohet se ka pasur energjinë e 23,000 bombave atomike si të Hiroshimës. Epiqendra ishte në Oqeanin Indian, jashtë ishullit indonezian të Sumatras, ku deti u ngrit, duke gjeneruar valë anormale që udhëtuan për mijëra kilometra duke arritur në brigjet e 14 vendeve në tre kontinente, përfshirë Afrikën ku edhe shkaktuan dëme marramendase. Rreth 230,000 njerëz , 170,000 prej tyre në Indonezi, humbën jetën, dhe rreth 2 milion njerëz u shpërngulën.

Vendet e prekura mbajnë sot heshtje dy minutëshe për të përkujtuar një nga incidentet më të tmerrshme që vrau mijëra njerëz dhe shkatërroi qytete e zona të tëra.

Në Sri Lanka, ku u vranë rreth 35,000 vendas, u mbajt heshtje dy minutëshe sot në orën 9.25 të mëngjesit në orën lokale (0325GMT).

Në vitin 2005, 25 vende krijuan një “Sistem të Paralajmërimit dhe Zbutjes së Cunamit të Oqeanit Indian” për të parashikuar fenomene si cunami dhe për ta lëshuar alarmin në kohë./Përshtati nga AA.com, CNA.al





Lajmet e fundit nga