web counter
LEXO PA REKLAMA!

SHKARKO APP

App Store
Google Play

Basha uron 29-vjetorin e PD-së/ Sot shqiptarët i kanë sytë të finalizimi i misionit si garante e lirisë

11 Dhjetor 2019, 11:05, Politikë CNA

Kreu i PD-së, Lulzim Basha nëpërmjet një mesazhi në rrjetet sociale, ka uruar 29-vjetorin e themelimit të Partisë Demokratike.

Basha shkruan se ?Liri ? Demokraci? është guri i themelit që ngriti në këmbë shtëpinë e demokratëve, shtëpinë e shqiptarëve që e donin Shqipërinë si gjithë Europa.

Më tej, ai thekson se për 29 vite, Partia Demokratike ia ka dalë të jetë partia e shpresës.

?Liri – Demokraci! 29 vjet më parë këto 2 fjalë ishin oksigjeni që rikthyen në jetë një komb, i cili ra në errësirën e diktaturës më të egër komuniste për gati 5 dekada. Liri – Demokraci është guri i themelit që ngriti në këmbë shtëpinë e demokratëve, shtëpinë e shqiptarëve që e donin Shqipërinë si gjithë Europa.

Për 29 vite, Partia Demokratike ia ka dalë të jetë partia e shpresës. Kjo është arritja jonë më e madhe në këto 29 vjet. Sot shqiptarët i kanë sytë nga ne për të finalizuar misionin për të cilin u themelua Partia Demokratike si garante e lirisë, e demokracisë dhe e mirëqenies së qytetarëve shqiptarë.?-shkruan Basha.

Më tej, ai shigjeton edhe qeverinë, ndërsa thekson se shqiptarët meritojnë të votojnë të lirë dhe të kenë një qeveri që mendon për mirëqënien e tyre.

?Shqiptarët meritojnë të votojnë të lirë për qeverisjen e tyre, ata meritojnë një qeveri që punon për mirëqenien e tyre, që respekton fjalën e lirë dhe të drejtën e pronës, një qeveri që bën më të mirën për të siguruar të ardhmen e qytetarëve të saj! Fëmijët tanë meritojnë të rriten si shqiptarë europianë në Shqipërinë tonë të bukur, Shqipërinë si gjithë Europa! Dhe së bashku do ta bëjmë realitet!
Gëzuar 29 vjetorin e themelimit të Partisë Demokratike!
Zoti e bekoftë Shqipërinë!?-përfundon postimin e tij Lulzim Basha.





Lajmet e fundit nga