web counter
LEXO PA REKLAMA!

SHKARKO APP

App Store
Google Play

E fundit!

x

“Po zhdukte provat për dy katet pa leje”/ Deputeti socialist i përgjigjet Boçit: Të pavërteta

3 Dhjetor 2019, 18:15, Politikë CNA

Deputeti socialist Sadri Abazi i është kundërpërgjigjuar akuzave të demokratit Luçiano Boçi, për prishjen e dy kateve pa leje në hotelin në Durrës.

Abazi tha për News 24 se hoteli i tij nuk ka pësuar dëmtime nga tërmeti i 26 nëntorit, ndërsa pretendon se nuk ka shtuar asnjë kat pa leje dhe as nuk i ka shembur për të humbur gjurmët.

?Janë të pavërteta. Tërmeti në Durrës ishte shkatërrues. Gjej rastin të ngushëlloj të afërmit që humbën fëmijët. Nuk është pallat por hotel. Hoteli është funksional dhe nuk kishte si të kishte 2 kate tepër dhe t?ia hiqja unë. Nuk është hequr asnjë kat jo dy kate. Hoteli ka pësuar vetëm plasje të vogla të mureve, asgjë tjetër. Nuk është klasifikuar i pabanueshëm. Është në gjendje pune dhe në këto momente?, tha socialisti.

Ndërsa për takimin me Boçin, ku kishte pasur replika, Abazi u shpreh se takimi ishte i përzemërt dhe se demokrati i kishte thënë ?ju nëmi Zoti ju socialistët?.

?Nuk kam replikuar, kam qenë duke qeshur. Ai më tha ?ju nëmi Zoti ju socialistët se ju ra tërmeti? e tha që ?Edi Rama do dorëzohet para Bashës?. Deshi të përfitonte nga fatkeqësia. Boçi është thjesht si gjithë shokët e tij që mundohet të mashtrojë edhe në këto situata jo të qarta për qytetarët e Durrësit dhe Tiranës.
Unë në Durrës isha me duar në xhepa, po qeshja me të, u takova përzemërsisht kaq. Më ka bërë një foto në rrugë ku isha dhe kaq?, tregoi deputeti.

Kujtojmë se Boçi publikoi disa foto të hotelit të Abazit në Durrës, ndërsa ngriti akuzat se deputeti socialist po zhdukte provat për dy katet e ndërtuara pa leje./ CNA.al





Lajmet e fundit nga