E fundit!

18:12 Aktualitet

Zjarr në unazën jugore të Elbasanit/ Shpërthime gjatë operacionit për shuarjen e flakëve

Një zjarr ka përfshirë pasditen e sotme një sipërfaqe tokë...

Prokuroria e Tiranës vihet në lëvizje, por administratorët e pallateve janë sërish jashtë loje

3 Dhjetor 2019, 13:57, Politikë CNA

Që prej ditës së djeshme vihen re radhë të gjata në zyrat e njësive bashkiake për rregjistrimin e dëmeve. Administratorët e pallateve edhe kësaj rradhe, siç ndodhi pas tërmetit të Shtatorit, sërish rezultojnë jashtë loje.

Për këtë arsye në vend që të vëjë një person për çdo pallat për depozitimin e të dhënave të dëmeve të godinave, banorët po detyrohen të shkojnë të gjithë, eventualisht për të plotësuar formularë secili për apartamentin e vet, pasi një banor nuk mund të plotësojë të dhëna për apartamente të tjera veç atij që posedon.

Prokuroria e Tiranës në datë 27 Nentor, njoftoi se ka nisur hetimet lidhur me ndërtesat e dëmtuara si pasojë e tërmetit që goditi vendin.

Sot prokuroria ju drejtua me një shkresë të dytë Bashkisë së Tiranës, me anë të të cilës i kërkon listën e plotë të banesave të prekura nga tërmeti dhe ku janë konstatuar dëmtime.

Prokuroria midis të tjerave në shkresë porosit bashkinë dhe policinë që të mos kryhet asnjë veprim mbi ndërtesa, pa praninë e prokurorëve.

?Për nevoja të kryerjes së veprimeve hetimore në fuksion të proçesit penal kërkojmë:

1- Listën e plotë të ndërtimeve (banesave) të evidentuara nga ana juaj si të prekur nga tërmeti dhe për të cilat janë konstatuar dëmtime

2- Për çdo lloj situate në të cilën është konstatuar dëmtim dhe është vendosur prishja e ndërtimit, të njoftohet paraprakisht Prokuroria e cila vë në dispozicion grupin hetimor me qëllim kryerjen e hetimeve.

3- Dokumentacionin e plotë tekniko-ligjor të ndërtesave apo banesave në të cilat janë konstatuar dëmtime nga tërmeti?.-thuhet në shkresë.

Hetimi nga Prokuroria e Tiranës ka nisur në datë 27 nëntor por deri tani në adresë të saj, nuk ka mbërritur asnjë informacion, as nga Bashkia Tiranë as nga Policia.

Për këtë arsye duket se në kërkesën e dytë të datës 2 Dhjetor drejtuesja e Prokurorisë së Tiranës, Elizabeta Imeraj ka lënë afat deri më 5 dhjetor për dërgimin e informacionit të kërkuar.

Menjëherë pas kësaj, banorët janë përballur me rradhë të gjata në zyrat e njësive bashkiake, tek të cilat, qytetarët presin që ankesat ti paraqesin në formularë që ju jepen të gatshem për plotësim. Përsëri administratorët e pallateve, po harrojnë funksionin dhe banorët po detyrohen të paraqiten me rradhë duke harxhuar kohën e tyre dhe të administrates së njësive bashkiake.

Për fat të keq me sa duket sa herë që bashkisë Tiranë i duhet të punojë, banorëve të Tiranës u duhet të përballen me radhë të pakuptimta. Dhe kjo, pasi kanë paguar administratorët për të mbajtur marrëdhëniet e tyre me Bashkinë Tiranë./ CNA.al

Prokuroria kërkesë bashkisë Tiranë/ Mos shembni asnjë objekt pa lejen tonë, brenda 48 orëve sillni dëmet