web counter
LEXO PA REKLAMA!

SHKARKO APP

App Store
Google Play

"Momente tragjike"/ Basha falenderon dhe shpërndan mesazhe solidariteti

27 Nëntor 2019, 21:32, Politikë CNA

?Falenderime ekipeve të shpëtimit për ndihmën e dhënë shqiptarëve në këto momente tragjedie?, kështu është shprehur kreu i Partisë Demokratike, Lulzim Basha, në një prenoncim për mediat pas një vizite në lagjet 6 dhe 18 në Durrës.

Ndërkaq, Basha iu ka bërë thirrje qytetarëve të evakuohen menjëherë nëse banesat e tyre kanë pësuar dëmtime.

?Sonte në Durrës, në lagjet 6 dhe 18, ku ende ka njerëz nën rrënojat e dy pallateve të shembura nga tërmeti, ndoqa nga afër punën e njësive të emergjencave civile nga Kosova, Franca dhe Rumania dhe të personelit tonë, të cilët prej ditës së djeshme po bëjnë përpjekje të mëdha në kushte shumë të vështira.

Specialistët e kërkim-shpëtimit më shpjeguan sfidat me të cilat po përballen për një operacion të suksesshëm shpëtimi. I falenderova në emër të çdo shqiptari për ndihmën e çmuar në këto momente tragjedie, kur ende ka njerëz nën rrënoja dhe kur numri i atyre që kanë humbur jetën po rritet.

Qytetarë të shumtë më treguan për dëmtime të mëdha që kanë pësuar shtëpitë e tyre, shumë prej të cilave janë bërë të pabanueshme. Ju kërkoj atyre dhe çdokujt tjetër të ndjekin këshillat dhe udhëzimet për evakuim sipas rastit, duke shmangur çdo rrezik. Jeta dhe shëndeti i qytetarëve është përparësia kryesore.

Si një familje e madhe, në solidaritet me njëri-tjetrin dhe me miqtë e partnerët tanë, do ta kalojmë këtë situatë tragjike?, është shprehur Basha./CNA.al





Lajmet e fundit nga