web counter
LEXO PA REKLAMA!

SHKARKO APP

App Store
Google Play

"Dyert e çdo shtëpie në Kosovë të hapura për shqiptarët"/ Thaçi vizitë në lagjen 18 në Durrës

27 Nëntor 2019, 18:20, Politikë CNA

Presidenti Ilir Meta së bashku me homologun e tij kosovar, Hashim Thaçi ka shkuar për të parë situatën në lagjen 18 në Durrës, pak pas nxjerrjes nga rrënojat të trupave të dy viktimave të tjera nënë e bir.

Në një prenoncim për mediat presidenti i Kosovës Hashim Thaçi, teksa shpreh ngushëllimet pas kësaj ngjarje tragjike që goditi vendin, ka shprehur mbështetjen për qytetarët shqiptar në nevojë duke thënë se çdo shtëpi në Kosovë i ka dyert e hapura.

?I shpreh ngushëllimet më të sinqerta Metës për këtë fatkeqsi natyrore.

I shpreh ngushëllimet të gjithë familjarëve për humbjen e të dashurve të tyre dhe shpreh mbështetjen e Kosovës për Shqipërinë në këtë moment të vështirë.

Për ata që janë nënë rrënoja do të bëjmë të gjitha përpjekjet e përbashkëta që të kryejnë atë obligim që kemi me pasoja sa më të vogla. Kosova i është mirënjohës Shqipërisë për vitet 98-99 që çdo derë ishte e hapur, edhe sot çdo derë dhe shtëpi në Kosovë është e hapur për qytetarët shqiptarë.

Kush Shqipëria është në zi dhe Kosova është në zi, kur Shqipëria ka ditë të mira edhe Kosova ka ditë të mira?, ka thënë në fjalën e tij presidenti Thaçi./CNA.al





Lajmet e fundit nga