web counter
LEXO PA REKLAMA!

SHKARKO APP

App Store
Google Play

Sali Berisha jep alarmin/ Zbulon prapaskenat e një marrëveshjeje mes Ramës dhe Vuçiqit kundër Kosovës

22 Nëntor 2019, 12:53, Politikë CNA

Një video e publikuar nga kryeministri i Shqipërisë, Edi Rama në të cilën paraqitet harta e Ballkanit shfaq Kosovën si pjesë të Serbisë, shkaktoi reagime të shumta.

Një veprim i tillë i Ramës është quajtur skandaloz dhe provokim për Kosovën.

Lidhur më këtë çështje, ish kryeministri i Shqipërisë, Sali Berisha, në një prononcim për ?Bota sot? ka thënë se me një akt të tillë Rama e dëshmon për të shumtën herë fytyrën prej albanofobi primitiv të Kosovës, dhe vlerëson se një akt i tillë nuk është i paqëllimshëm.

Berisha duke iu drejtuar Ramës me ‘Zografi bis’ përmend edhe pjesëmarrjen e këtij të fundit në samitin për ?Shengenin Ballkanik?, duke thënë se nënshkroi për Paktin për Minijugosllavinë apo de facto Serbinë e madhe në Nish me Vuçiç.

?Një akt i tillë nuk mund të jetë kurrë i paqëllimshëm. Por ky akt në të cilin dëshmon për të shumtën herë fytyrën prej armiku të egër, prej albanofobi primitiv të Kosovës, por edhe të mbarë shqiptarë është vetëm akti i fundit që shpalosi Zografi Bis pas firmosjes së Paktit për Minijugosllavinë apo de facto Serbinë e madhe në Nish me Vuçiç?, ka deklaruar Berisha.

Më tej, ai është shprehur se pakti i përgatitur në Beograd kishte synim defaktorizimin e Kosovës dhe vasalizimin e Shqipërisë, e këtë e kanë konfirmuar edhe nga Serbia.

?Pakti me 718 nene i përgatitur në fshehtësi të plotë në Beograd kishte dhe ka synim të plotë defaktorizimin e Kosovës, vasalizimin e Shqipërisë. Zëvendës ministri serb i mbrojtjes në takimin e SEDMI-t i tha zëvendës ministrit të Shqipërisë në prani të 7 vetëve se kryeministri i juaj ka rënë dakord në Nish me presidentin Vuçiç që Kosova të mos ftohej në Nish, mbasi si ç?e shihni atë e përfaqëson Beogradi?, ka thënë ish kryeministri shqiptar për ?Bota sot?.





Lajmet e fundit nga