E fundit!

18:44 Aktualitet

Mblidhet të enjten Konferenca e Kryetarëve/ Ja çfarë pritet të vendoset në seancë

Konferenca e Kryetarëve do të zhvillojë të enjten mbledhje...

Gënjeshtra me krijimin e Gjykatës Kushtetuese

12 Nëntor 2019, 10:34, Politikë CNA

Megjithëse të gjithë sot po thërrasin të lumtur sikur Gjykata Kushtetuese u ngrit, asnjë çështje nuk mund ta shohë ende dritën e vendimmarjes prej asaj gjykate.

Pasi Arta Vorpsi, Elsa Toska dhe Fiona Papajorgji të betohen tek Presidenti Ilir Meta, Gjykata Kushtetuese në dhomë këshillimi mundet vetëm të shqyrtojë paraprakisht dosjet. Ne dhomë këshillimi mundet vetëm të vendoset kalimi ose jo të një çështjeje për shqyrtim në seancë plenare nga kolegji.

Neni 31 i ligjit për Gjykatën Kushtetuese, i ndryshuar në vitin 2016, parashikon që ?kërkesa shqyrtohet paraprakisht nga kolegji, i përbërë nga tre gjyqtarë të Gjykatës Kushtetuese, ku bën pjesë dhe relatori?.

Por, Gjykata Kushtetuese me pesë anëtare nuk mund të shqyrtojë çështjet në seancë plenare. Për shqyrtimin e çështjeve që kalojnë në seancë plenare duhet të paktën 6 anëtarë. Neni 32 i ligjit për Kushtetuesen parashikon që “Gjykata Kushtetuese shqyrton çështjet në seancë plenare me pjesëmarrjen e të gjithë gjyqtarëve të Gjykatës Kushtetuese, por në asnjë rast të jo më pak se dy të tretave të tyre?.

Raportohet se që nga fundi i vitit 2017 deri ditët e sotme numri i dosjeve që presin për t?u shqyrtuar nga Gjykata Kushtetuese ka shkuar në 124. Ky numër me siguri që do vijojë të rritet për shkak të zgjerimit të subjekteve, të cilët kanë të drejtë sipas ligjit të vënë në lëvizje Kushtetuesen.

Deri tani në protokollin e Gjykatës Kushtetuese, ka të depozituara të pakten 23 kërkesa që pretendojnë antikushtetutshmërinë e një liste ligjesh të miratuara nga Kuvendi.

Tetë kërkesa pretendojnë antitushtetutshmëri të vendimeve të Këshillit të Ministrave.

Deri tani dihet që janë të pakten 124 çështje që kanë nevojë për zgjidhje doktrinare. Sesa do arrijnë anëtaret e rinj të prodhojnë doktrine, me cilësinë që ofrojnë, kjo është një çështje tjetër./ CNA.al

Po Marsida çfarë mendimi ka?

Skandali/ Listat e kandidatëve për Kushtetuese u “krasitën”