web counter
LEXO PA REKLAMA!

SHKARKO APP

App Store
Google Play

E fundit!

x

Lulzim Basha futet në çadër pas dy vitesh

10 Nëntor 2019, 11:13, Politikë CNA

Prej 1 jave Lulzim Basha zhvilloi një axhendë takimesh me rininë në disa nga qender qarqet e Shqipërisë ku ra në sy fakti se ashtu si fiks dy vite më parë, Lulzim Basha kishte ristartuar të njëjtën strategji.
Ashtu siç ndodhi në çadër, këtë herë ndryshe shkoi dhe u mbyll lokaleve dhe në të njëjtën formë zhduku flamurin dhe simbolet zyrtare të PD-së duke vendosur në sfond një vijë të verdhë me fytyrën e tij kudo, a thua se është rock star.

Por, paralel me këto dy fakte, mbylljen në lokale dhe zhdukjen e imazhit ka dhe një detaj të tretë që e afron Lulzim Bashën me çadrën e 2017-ës. Prezantimi në aktivitet i disa personazheve politikë të PD-së dikush me më shumë peshë e dikush më pak, të cilët në fakt i promovon si ata emrat e dikurshëm të çadrës. Në vitin 2017 gjatë qëndrimit në çadër, Lulzim Basha nxori disa personazhe si Oriola Pampuri apo Romeo Gurakuqi e shumë të tjerë të cilët më pas u bënë deputetë megjithëse ishin njerëz anonimë dhe pa asnjë kontribut politik për PD. Të rrëmbyer nga rruga, Luli i vuri kryesues listash dhe donte t?i shiste për elitë të re apo disa personazhe të tjera të cilët më pas e kanë braktisur dhe e kanë lënë në rrugë.

Nuk ka munguar as prania e Odetës të famshme të kunatit që nga çadra tani ka shtesë si asistente Desadën e Fevziut.

Në Elbasan përshembull bie në sy që në krah të Lulzim Bashës qendronte Fitim Zekthi, një i dënuar për mashtrim, është një nga emrat që ishte në listën e Lulzim Bashës për deputet, dhe nuk fitoi.
Një nga ata emrat e shumtë që mbron publikisht Luzim Bashën megjithëse në takimet e tij të ngushta dhe konfidenciale ka kontestime ndaj kreut të Republikës së Re.

Në Korçë binte në sy prania e Dritan Shanos dhe e Mateo Spahos, i pari një nga ish zyrtarët e lartë të së majtës, student dhjetori dhe më pas një mbështetës i Lulit pas 2013 i lënë mënjanë nga Basha dhe tashmë i rikthyer ndoshta me shpresën se mund të jetë në listat e nesërme.
Mateo Spaho, një personazh i përdorur nga Luli në mandatin e parë të tij si kryetar, i lënë në hije, tashmë rikthehet dhe shfaqet përballë të rinjve në Korçë.

Në Shkodër bie në sy prania e dy personazheve Julian Deda aktor i humorit dhe pinjolli i familjes Alizoti, Tomorri, një përfaqësues i shtresës së ish të persekutuarve politikë.
Në fakt të dy kanë qenë mbështetës së Lulzim Bashës me ardhjen e tij në krye të PD, më pas kanë qenë të ashpër ndaj tij, Jul Deda ndoshta më pak, Tomorr Alizoti edhe më i ashpër.
Ndoshta të kthyer si imazh në krah të Lulit si kritikë për të treguar se tashmë Luli e pranonte mendimin ndryshe. Në fakt kritikat e tyre ndaj Lulzim Bashës vazhdojnë edhe sot e kësaj dite dhe pse mund të mos jenë publike, por promovimi në Shkdër i tyre duket si një lojë më shumë imazhi nga Basha sesa një shpresë që nesër t?i kemi këta emra në lista për deputetë.

Në Vlorë në krah të Lulzim Bashës qendronte Ndriçim Mehmeti, sërish për tu prezantuar në krah të të rinjve atje si një emër që mund të përdoret në listat e nesërme.

Në Krujë binte në sy Ina Zhupa, zëdhënësja e PD, por edhe Indrit Vokshi, një emër periferik që shkruan shpesh në rrjetet sociale dhe i kthyer së fundi në mbështetës së Lulzim Bashës.
Përtej analizës së këtyre emrave, çfarë përfaqësojnë, pse po përdoren si po keqpërdoren, përfudimi është një dhe vetëm një, Lulzim Basha fiks pas dy vitesh është futur në çadër me të njëjtin stil vetëm mungon plastika e mbulimit dhe lëvizja apo ndërtimi i një çadre mobile.

Për këtë janë gjetur lokalet ku nuk shfaqet asgjëkundi logoja e PD, ku përdoren personazhe kritikë apo të pa promovuar për tu nxjerrë në rreshtat e parë dhe Luli artikulon is një çun i urtë dhe i mbarë pasi ka harruar protestat dhe tashmë ndihet i relaksuar në vilën e ndërtuar nga oligarku Agron Papuli dhe më i qetë shpirtërisht pasi Edi Rama urdhëroi prokurorinë t?i mbyllë hetimin për pastrim parash dhe financimin e të paktën 650 mijë dollarëve për lobim në SHBA./CNA.al





Lajmet e fundit nga